Ku wa 18 Ukuboza nibwo iyi modoka yakoze urugendo rwamaze amasaha 11, iminota 52 n’amasegonda umunani. Ni urugendo rwari rurimo n’iminota 14 iyi modoka yahagaze kubera ikibazo cya batiri yari igigze.

Ni bwo bwa mbere imodoka ikoresha imirasire y’izuba yari ikoze urugendo rurerure rungana gutyo isiganwa mu masaha make nk’ayo.

Iyi modoka ifite batiri na panneaux solaire hejuru ku gisenge cyayo. Yakoraga urugendo rw’ibilometero nibura 85 ku isaha. Ni imodoka yakozwe n’Umunyeshuri, ipima ibilo 500.

Kugira ngo igire ubu buremere bwo hasi, abahanga bayikoze, bakuyemo ibintu bimwe na bimwe bigaragara mu modoka zisanzwe. Urugero ni nka Airbag n’ikoranabuhanga ritanga ubukonje.

Sunswift 7 yaciye agahigo ubwo yagendaga mu kigo cy’Abanya-Australia gikora ubushakashatsi ku modoka, kiri mu gace ka Wensleydale mu Mujyi wa Victoria. Umuvuduko yakoresheje, watumye iba imodoka ya mbere ikoresha imirasire y’izuba ivudutse bidasanzwe.

Ni yo ya mbere ikoresha imirasire y'izuba yavudutse kuri uru rwego

Iyi modoka ipima ibilo 500