00:00:00 IGIHE NETWORK KN KINYARWANDA EN ENGLISH FR FRANCAIS

"Sex Party" yabereye muri Kiliziya yateje impagarara

Yanditswe na Umwali Zhuri
Kuya 22 Mutarama 2023 saa 10:38
Yasuwe :

Kiliziya Gatolika yatangiye iperereza ku birori by’ubusambanyi (Sex Party) byabereye muri Kiliziya ya St Mary’s muri New Castle, mu Bwongereza.

Iryo perereza kandi rishingiye ku kwegura kwa Robert Byrne wahoze ari Musenyeri wa Diyosezi ya Hexham, weguye mu Ukuboza umwaka ushize.

Bivugwa ko ibyo biroro by’ubusambanyi byabaye mu gihe isi yose yari muri Guma mu rugo mu ntangiriro za 2020, kubera icyorezo cya COVID-19.

Muri icyo gihe, ngo Padiri Michael McCoy yamenyesheje abakiristu be ko uwumva yifuza kwitabira ibyo birori byo gukora imibonano mpuzabitsina, bamumenyesha hakiri kare ngo amenye abazitabira.

Mu butumwa yabahaga, ngo yababwiraga ko bizabera muri Kiliziya ya St Mary’s.

Kiliziya Gatolika yahaye inshingano Musenyeri wa Liverpool, gukora iperereza kuri ibyo birego ndetse no ku iyegura rya Musenyeri Byrne.

Ntabwo biramenyekana niba Musenyeri Byrne yari mu bitabiriye ibyo birori cyangwa yareguye kubw’isoni z’ibyakorewe muri Paruwasi ashinzwe.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .