Sauti Sol yahaye intego Eric Omondi igihe Man. Utd yaramuka itsinze Arsenal FC

Yanditswe na Uwiduhaye Theos
Kuya 10 Werurwe 2019 saa 05:22
Yasuwe :
0 0

Itsinda rikomeye mu muziki ryo muri Kenya, Sauti Sol, ryasezeranyije Eric Omondi usanzwe ari umunyarwenya ukomeye muri icyo gihugu unafana by’intangarugero ikipe ya Manchester United, ko niramuka itsinze Arsenal bazoza imodoka ye.

Iri tsinda ryabitangaje ku mugoroba wo kuri uyu wa Gatandatu ku rukuta rwa Twitter aho ryabanje kwandika ribwira abakunzi baryo ko badakwiye kujya bahumywa amaso n’amakipe adashoboye, ategereza ibitangaza.

Riti “Ntimuzashukwe n’amakipe adashoboye ategereza ibitangaza cyangwa agatsinda imikino kubera penaliti aheshejwe na VAR. Arsenal igiye kubaha isomo […]”

Nyuma y’ubu butumwa, iri tsinda ryongeye ryandika rivuga ko mu gihe Man. Utd iraba itsinze Arsenal FC, rizoza imodoka ya Eric Omondi.

Riti "Tuzoza imodoka ya Eric Omondi mu gihe habaho ibitangaza Man. U igatsinda."

Eric Omondi asanzwe ari umufana ukomeye wa Manchester United ndetse yigeze gutera urwenya yigaragaza nk’umukinnyi mushya w’iyi kipe. Naho Sauti Sol ifana mu buryo bukomeye Arsenal ku buryo iba ibwira abafana kujya bareka kuyishyira mu nzenya zitandukanye zo ku mbuga nkoranyambaga ziyivugiraho neza, kuko bibabaza.

Uyu mukino uratangira saa kumi n’ebyiri n’igice. Urabera kuri Emirates Stadium ya Arsenal, iheruka gutsinda imikino umunani yikurikiranya ku kibuga cyayo muri Premier League, mu gihe Manchester United yo yatsinze imikino umunani itari mu rugo.

Kugeza ubu Manchester United ni iya kane ku rutonde rw’agateganyo rwa shampiyona yo mu Bwongereza aho ifite amanita 58 naho Arsenal ikaba iya gatanu n’amanota 57.

Sauti Sol izoza imodoka ya Eric Omondi Man. Utd niramuka itsinze Arsenal
Eric Omondi akunze kugaragaza udushya mu mifanire ye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza