00:00:00 IGIHE NETWORK KN KINYARWANDA EN ENGLISH FR FRANCAIS

Pérez wo muri Venezuela ni we mugabo ukuze kurusha abandi; menya ibanga rye ryo kuramba

Yanditswe na Umwali Zhuri
Kuya 18 May 2022 saa 03:42
Yasuwe :

Juan Vicente Pérez, umuhinzi wo muri Venezuela, uzuzuza imyaka 113 mu minsi icyenda iri imbere, yabaye umugabo wa mbere ukuze uri ku Isi nk’uko byatangajwe na Guinness des records.

Yavukiye mu Mujyi wa El Cobre, muri Leta ya Tachira ku wa 27 Gicurasi 1909. Ni we mugabo ufite imyaka myinshi mu bari ku Isi. Atuye mu misozi yo mu gace yavukiyemo.

Aciye ako gahigo, nyuma y’urupfu rwa Saturnino de la Fuente Garcia ukomoka muri Espagne watabarutse ku wa 19 Mutarama 2022 ku myaka 112 n’amezi 11. Ugendeye ku matariki Juan yavukiyeho, yaciye ako gahigo muri Gashyantare uyu mwaka.

Aracyari umugabo ufite ubuzima buzira umuze, wibuka ubuzima yabayemo uhereye mu bwana bwe, urushako, amazina y’abana be, abuzukuru n’abuzukuruza.

Akunda kuba ari hafi y’umuryango we n’inshuti kugira ngo baganire ku mateka.

Kugira ngo ace aka gahigo, uyu mukambwe yasobanuye ko yabikesheje ubuzima yanyuzemo aho afata ifunguro ryujuje intungamubiri ni mugoroba n’ikirahure cy’amazi buri munsi.

Ku myaka itanu, ngo yajyanaga n’ababyeyi be mu murima gusarura ikawa. Amaze imyaka 25 apfakaye nyuma y’uko yari abanye n’umugore imyaka 60. Afite abana 11, abuzukuru 41, abuzukuruza 18 n’ubuvivi 12.

Juan Vicente Pérez yaciye agahigo ko kuba umugabo ushaje kurusha abandi ku Isi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .