00:00:00 IGIHE NETWORK KN KINYARWANDA EN ENGLISH FR FRANCAIS

Nyakabanda: Umwana w’imyaka 15 yafatiwe mu cyuho ari kwiba imyenda yanitse

Yanditswe na Thamimu Hakizimana
Kuya 19 April 2022 saa 04:17
Yasuwe :

Umwana w’imyaka 15 y’amavuko wo mu Kagari ka Munanira ya II mu Murenge wa Nyakabanda, Akarere ka Nyarugenge, yafatiwe mu cyuho ari kwiba imyenda yari yanitse ku mugozi mu rugo rw’umuturage uherereye muri aka gace.

Ahagana saa sita z’amanywa yo kuri uyu wa Kairi tariki ya 19 Mata 2022, nibwo uyu mwana wiga mu mashuri abanza yaguwe gitumo yinjiye mu rugo rw’umuturage ari kwibamo imyenda yari yanitswe ku mugozi nyuma yo kumeswa.

Abatuye muri aka gace babwiye IGIHE ko uyu mwana bamufatanye na mugenzi we ariko we ahita abacika ariruka bamuburira irengero.

Bahamya ko anasanzwe ari mu itsinda ry’abana bitwaza ibyuma bagategera abaturage mu nzira bakabambura ibyabo.

Bemeza ko iyo banitse imyenda cyangwa inkweto bibasaba kuyicara hafi kugira ngo batayibiba.

Byiringiro Innocent yagize ati “Aba bana bagiye kutumaraho ibintu. Uzi ko wanika imyenda bikagusaba kuyiguma iruhande kugira ngo batayanura?”

Habumugisha Emmanuel, wari mu gikari cyibwemo iyi myenda we yavuze ko bahangayikishijwe n’umutekano w’ibyabo kuko abo bana hari n’igihe bategera abantu mu nzira bakabambura telefone ndetse babazwa cyane n’uko iyo babafashe bakabashyikiriza ubuyobozi cyangwa polisi bahita babrekura.

Umukuru w’Umudugudu wa Kamwiza muri aka Kagari ka Munanira II, Munyemana Rashid we yahise yandikira inzego z’umutekano ibaruwa ko zabaza uyu mwana abo akorana nabo kuko atari ubwa mbere afashwe yibye.

Uyu mwana akimara gufatwa abanyerondo bahise bamujyana ku Biro by’Umurenge wa Nyakabanda.

Ubwo uyu mwana yari akimara kugezwa ku Biro by'Umurenge wa Nyakabanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .