00:00:00 IGIHE NETWORK KN KINYARWANDA EN ENGLISH FR FRANCAIS

Nyakabanda: Abaturage bahagobotse ubwo umugabo yari agiye gutema mugenzi we bapfa ideni

Yanditswe na Thamimu Hakizimana
Kuya 24 April 2022 saa 10:00
Yasuwe :

Umugabo ucururiza mu Mudugudu wa Kokobe,Umurenge wa Nyakabanda, Akarere ka Nyarugenge, yateshejwe agiye gutema mugenzi we ucuruza inyama bapfa igihumbi yamugurije yanze kumwishyura.

Saa kumi n’ebyiri zo kuwa Kane tariki ya 21 Mata 2022, nibwo uyu mugabo usanzwe acuruza mu iduka ry’ahitwa muri Karabaye mu Kagari ka Munanira ya II, yafashe umuhoro agiye gutema mugenzi we ucuruza muri Boucherie nyuma yo kumubwira ko atari bumwishyure 1000 amufitiye bitewe n’uko nta mafaranga yabonye.

Abaturage bari aho bakibona ko uyu mugabo agiye gutema mugenzi we, bahise batabara baburizamo uwo mugambi mubisha.

Uwari ugiye gukora ibara yavuze ko yashyamiranye na mugenzi we kuko yanze kumwishyura amafaranga 1000 yamugurije ku wa Gatandatu ushize.

Yagize ati “ Yaraje ava kuri moto ahita ambwira ngo muhe 1000 araje ayanzanire kuko akora hano hafi, kuva ubwo ntarayanyishyura nibwo mvuze ngo nze mwishyuze kuko urabona ko ari gucuruza inyama ariko yanze kunyishyura ngo nta mafaranga afite, ibyo se njye nabivamo?”

Mutuyiman Cyuma, wari ugiye gutemwa, yavuze ko atanze kwishyura ahubwo ari uko atarabona amafaranga yo kwishyura.

Ati “ Ndemera ko mufitiye 1000 Frw ariko we ntashaka kumva ko aje nta mafaranga ndabona , ndikumubwira ngo nategereze ku wa mbere ntabyumve ahubwo yazanye iby’imihoro.”

Abaturage bahise bahise bahosha ayo makimbirane bahamagaza ubuyobozi kugira ngo bwumve ikibazo cy’aba bagabo bombi, bugishakire umuti.

Muri aka gace byabereyemo hakunze kuvugwa urugomo dore ko kanatuwe cyane.

Aka gace ka Karabaye ni kamwe mu dukunze kurangwamo urugomo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .