Iyi ndege yari ivuye ku kibuga cy’indege cya Oslo Airport muri Norvège yerekeza i Amsterdam mu Buholandi, itwaye abagenzi 182. Ubwo yari mu kirere, ikoranabuhanga ryayo rya ’hydraulic system’ ryagize ikibazo, biba ngombwa ko abapilote bafata icyemezo cyo kuyihagarika ku kibuga cy’indege kiri hafi aho.

Icyo baparitseho ni icya Sandefjord Torp Airport kiri mu birometero 110 uvuye ku cya Oslo Airport. Ubwo iyi ndege yageragezaga kumanuka ku kibuga cy’indege, yaje kurenga umuhanda yagombaga guparikaho, irakomeza ihagarara mu bwatsi bukikije uwo muhanda.

Ku bw’amahirwe nta muntu wagize ikibazo uretse ko amapine y’indege yangiritse. Abagenzi bahise bakurwa muri iyi ndege berekezwa aho bagombaga gutegerereza indi ndege yari bubatware.

Ibi bibaye n’ubundi hashize amasaha make indi ndege ya Boeing 737-800 ikoreye impanuka muri Koreya y’Epfo, abarenga 124 bakahasiga ubuzima.

KLM flight #KL1204, a Boeing 737-800, veered off the right side of runway 18 after landing at Oslo Torp Sandefjord Airport.
The flight had diverted there shortly after takeoff from Oslo Airport (OSL).pic.twitter.com/SKIwHIfMBV

— Aviation Safety Network (ASN) (@AviationSafety) December 28, 2024