Nigeria: Umukecuru w’imyaka 98 yakize coronavirus

Yanditswe na IGIHE
Kuya 14 Gicurasi 2020 saa 03:36
Yasuwe :
0 0

Umukecuru w’imyaka 98 wo muri Leta ya Lagos muri Nigeria yakize coronavirus, nyuma yo kumara iminsi yitabwaho n’abaganga.

Guverineri w’iyo Leta Babajide Sanwo-Olu yavuze ko uwo mukecuru yasezerewe mu bitaro kuri uyu wa Gatatu hamwe n’abandi bantu 25 bakize icyo cyorezo.

Yagize ati “Uyu munsi twasezereye umukecuru w’imyaka 98, niwe murwayi ukuze cyane twari dufite muri Lagos.”

Leta ya Lagos niyo zingiro rya Coronavirus muri Nigeria kuko hamaze kuboneka abarwayi 2041 mu bantu 4,971 bamaze kuboneka mu gihugu hose.

Nubwo gukira coronavirus ari ibintu bishoboka cyane, kuba uwo mukecuru w’imyaka 98 yakize ni igitangaza kuko mu bihugu byinshi iyo ndwara yagiye ihitana cyane abantu bakuze kubera ko ubwirinzi bw’imibiri yabo buba ari buke.

Muri Leta ya Lagos, abantu 33 nibo bamaze gupfa mu gihe abamaze gusezererwa bakize ari 528.

Leta ya Lagos niyo zingiro rya Coronavirus muri Nigeria kuko hamaze kuboneka abarwayi 2041

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .