Misiri: Amaze kubaka izina mu kwifashisha inzoka akorera abantu massage

Yanditswe na Muhonzire Sylvine
Kuya 26 Ukuboza 2020 saa 09:08
Yasuwe :
0 0

Safwat Sudqi, ukora umwuga wo kunanura imitsi (kumasa) abantu mu gace ka Nasr mu murwa mukuru Cairo mu Misiri, akoresha inzoka zifite imibyimba itandukanye amasa abantu, ibintu bitamenyerewe na benshi ndetse biba mu bihugu bike ku isi.

Safwat, avuga ko kumasa akoresheje inzoka, byongera umusemburo wa dopamine ugira akamaro kanini mu mubiri w’umuntu harimo no kugira uruhare mu buryo yishima, ndetse anavuga ko bituma ubwoba bugabanuka.

Iyo ari kumasa umuntu, aryama ku gatanda yubitse inda maze akamushyiraho inzoka imwe cyangwa nyinshi bitewe n’umubyimba wazo, ubundi zikagenda zimuzenguruka umubiri wose.

Safwat, umuganga uvura indwara zitandukanye z’ingingo n’umubiri (physiothérapeute), avuga ko izi nzoka akoresha nta bumara zigira kuburyo zarya umuntu, ahubwo ko zituma umuntu agira ubuzima buzira umuze, ubwonko n’umubiri we bigakora neza.

Izi nzoka ngo zituma amaraso atembera mu mubiri yihuta cyane kubera igitutu zigushyiraho, ibi kandi bituma amaraso atembera neza, nka kimwe mu birinda indwara ndetse bigatuma ubudahangarwa bw’umubiri bwiyongera.

New York naho hari umugore wahawe akazina ka ‘Serpentessa’ ukora uyu mwuga wo kumasa abantu akoresheje inzoka, na we avuga ko bimara ubwoba ku muntu utinya inzoka ndetse bituma agira ibyiyumvo byo kwishima biri ku rugero rwo hejuru.

Inzoka zikundwa gukoreshwa iyo bamasa ni izitwa ‘Pythons’ zabitojwe. Ziboneka mu mashyamba, zifite umubyimba munini, kuburyo uzibonye wagira ubwoba, gusa nta bumara zigira bwica.

Mbere y’uko inzoka bazishyira ku mubiri w’umuntu barabanza bakazoza, bakareba neza niba sizukuye kandi zumutse.

Bivugwa ko kandi iyo inzoka zimasa zigera aho intoki z’umuntu umasa zitagera, ni ukuvuga zikora akazi intoki z’umuntu zitabasha.

Safwat Sudqi yifashisha inzoka zitagira ubumara
Abahanga bavuga ko inzoka zifashishwa muri massaga zibikora neza kurusha intoki za muntu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .