Ku myaka 95, Johanna akora imyitozo ngororamubiri itakwisukirwa n’ab’abasore b’inkorokoro

Yanditswe na Dufitumukiza Salathiel
Kuya 27 Ukuboza 2020 saa 12:10
Yasuwe :
0 0

Umudagekazi w’imyaka 95 y’amavuko, Johanna Quaas, ari mu bantu b’abanyadushya batangaza benshi kubera ukuntu akora imyitozo ngororamubiri neza, byagorana kuri benshi mu rubyiruko kubikora nk’uko abigenza.

Uyu mukecuru ugeze mu zabukuru, akunda kugaragaza ko imyaka afite ntaho ihuriye n’imikorere y’umubiri we, ibintu akesha gukora siporo.

Ati” Mu maso hanjye hagaragaza ko nshaje ariko umutima wanjye ni uwa gisore.”

Mu mashusho yashyizwe kuri Twitter kuwa 23 Ukuboza 2020, Johanna agaragara akora siporo zizwi nka “Gymnastique” aho uyikora aba asabwa gukoresha imbaraga, koroshya umubiri, kugira umuvuduko ndetse no guhinduranya imikoreshereze y’ingingo.

Ni amashusho yatumye benshi mu bakoreshe uru rubuga bacika ururondogoro, kuko uko aba agaragara n’imvi z’uruyenzi biragoranye kwizera ko yakora ibyo aba akora muri ayo mashusho.

Johanna avuga ko imyitozo ngororamubiri ari ikintu cyiza, ndetse ayikora mu mu rwego rwo kwirinda ngo hatagira ikibangamira ubuzima bwe. Ati”Iyo umubiri wawe umeze neza, birakorohera cyane kuwuyobora.”

Yakomeje agira ati “Birashoboka ko umunsi nzahagarika gukora Gymnastique ari umunsi nzaba napfuye.”

Johanna wavutse mu 1925 yakoze Gymnastique kuva afite imyaka icyenda y’amavuko. Nyuma y’Intambara ya Kabiri y’Isi yahagaritse Gymnastique akina handball aho bivugwa ko yayitwaragamo neza kugeza ku myaka 57 y’amavuko.

Yaje kongera gukora Gymnastique kuri iyo myaka kugeza magingo aya, ndetse yanabiherewe ibihembo bitandukanye birimo icya Guiness World Records mu 2012 n’icya Nadia Comaneci Sportsmanship Award yahawe mu 2015.

Uyu mukecuru aragororotse ku buryo buhambaye
Akora imyitozo ngororamubiri idashobora kwisukirwa n'abasore benshi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .