00:00:00 IGIHE NETWORK KN KINYARWANDA EN ENGLISH FR FRANCAIS

Kigali: Agiye kuzuza inzu mu mafaranga yishyurwa n’abashaka ko ababyinira ‘mu ibanga’

Yanditswe na Nsengiyumva Emmy
Kuya 1 June 2022 saa 02:57
Yasuwe :

Umukinnyi wa filime, Imwiyitire Phoibe wiyise Fofo Dancer agiye kuzuza inzu ye bwite yubatse mu mafaranga yinjiza avuye ku bashaka kumureba abyina yikinisha.

Uyu mukobwa wamenyekanye nk’umubyinnyi mu tubari akaba n’umukinnyi wa filime, iyo nzu yayubatse mu Karere ka Gasabo, mu Murenge wa Rusororo.

Fofo Dancer avuga ko iyi nzu agiye kuyuzuza mu mafaranga yyakuye mu yo yishyurwa n’abashaka ko ababyinira mu buryo bw’ibanga.

Kuva icyorezo cya Covid-19 cyatera kigahagarika utubari, Fofo Dancer wari umubyinnyi mu tubari yinjiye mu byo kubyinira abantu yifashishije ikoranabuhanga no kubasanga mu ahandi hantu h’ibanga.

Bitewe n’uko icyo gihe icyorezo cyakomeje gukaza umurego ndetse mu bihe bitandukanye abantu bagashyirwa muri Gumamurugo ntabashe kongera kureba abakiliya be, yatangiye kubasanga yifashishije ikoranabuhanga.

Aha ni ho yatangiye guhuza abakiliya be anyuze kuri Instagram, abishyuye akabahuriza kuri ‘WhatsApp video call’ akabataramira.

Nyuma yo gukangurira abantu kwishyura akabaha nimero bishyuraho ndetse bakamuhaho inyemezabwishyu banyuze kuri WhatsApp, Fofo Dancer, akoranya abishyuye akabahamagarira rimwe mu buryo bw’amashusho (Video call) ubundi akababyinira kakahava buri wese akurikiranye aho yicaye.

Ibi icyakora ntibikuraho ko uwifuza kuryoherwa ari wenyine yishyura ayisumbuye agahamagarwa wenyine ubundi agataramirwa mu buryo bwihariye.

Nyuma yo kubona uko ubu buryo bwinjiza amafaranga menshi kandi bitamusabye byinshi, Fofo Dancer yahise akomerezaho kugeza n’ubu nubwo bitamubuza kuba yajya kureba umukiliya we akamubyinira mu buryo bwa Live.

Nibura bisaba ibihumbi 15 Frw ku muntu wifuza gukurikira imbyino z’uyu mukobwa ubyina ameze nk’uwikinishiriza mu maso y’abagabo.

Naho uwifuza ko amutaramira ku giti cye akenshi aba ari hagati y’ibihumbi 100 Frw na 150 Frw.

Uyu mukobwa abajijwe niba ibyo akora atabona ko ari ukwikinishiriza mu maso y’abagabo, yagize ati “Nibyo wenda hari ababibona gutyo kandi ni na byo rwose. Ababa bishyuye erega nibyo bakunda kandi hari ababikunda. Gusa njye mba mbyina nshaka gushimisha abakiliya banjye gusa.”

Kugeza ubu ubushobozi amaze kuvana muri ibi bikorwa yabwubatsemo inzu.

Fofo Dancer yatangiye gutaramira abakiliya be yifashishije ikoranabuhanga ubwo Covid-19 yadukaga
Fofo Dancer yemera ko abyinira abakiliya be anikinisha mu rwego rwo kubashimisha kurushaho
Fofo Dancer agiye kuzuza inzu mu mafaranga abagabo bamuha kugira ngo bamurebe abyina yikinisha

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .