Kenya: Senateri yasabye Perezida Kenyatta gusesa Guverinoma

Yanditswe na Bukuru JC
Kuya 18 Mutarama 2021 saa 04:00
Yasuwe :
0 0

Senateri James Orengo yasabye Perezida wa Kenya, Uhuru kenyatta gusesa guverinoma agakora amavugurura agamije gusubiza ibintu ku murongo kugira ngo akomeze kurinda izina rye.

Uyu mugabo uhagarariye agace ka Siaya muri Sena ya Kenya yasabye Perezida Kenyatta gusesa Guverinoma ngo kuko kuri we abona igizwe n’abantu bameze nk’abakinnyi b’amakipe abiri atandukanye bityo bakaba bamukereza mu kugera kuri gahunda yasezeranyije abaturage cyane ko ari muri manda ye ya nyuma.

Senateri James Orengo yavuze ko abagize guverinoma ya Kenya bakora nk’abasoma amabwiriza abagenga ahantu hatandukanye kandi ko bidindiza imikorere mu gihugu.

Ati “Muri Guverinoma ya Uhuru bisa nk’aho harimo abakinnyi baturuka mu makipe atandukanye bigatuma guverinoma idakora neza, niyo mpamvu akwiriye gutangira kuvugurura abayigize kugira ngo agere ku ntego ze.”

Kugeza ubu Perezida Kenyatta uzasoza manda ye ya kabiri ari nayo ya nyuma mu 2022 ntaragira icyo atangaza ku gitekerezo cy’uyu musenateri.

Senateri James Orengo yasabye Perezida Kenyatta gusesa Guverinoma ye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .