Inyamayeri mu mafarashi! Iyo hari ugiye kurira Injang iripfusha( Video)

Yanditswe na Iradukunda Serge
Kuya 4 Nzeri 2020 saa 08:53
Yasuwe :
0 0

Mu gihe bimenyerewe ko ifarashi ari inyamaswa igira ibakwe ndetse ikarangwa no kutiganda ku murimo, iyitwa ‘Injang’ yo muri Mexique yo imaze iminsi itungura abantu kubera ingeso yiharajeho yo kwipfusha iyo hari umuntu ugiye kuyurira, ntawe uramenya niba ari ubunebwe buyibitera!

Ijang byashoboka ko ariyo farashi yabayeho mu mateka y’inyamayeri, iyo iza kuba ari umuntu abenshi ntibari gutinda kuyita ‘umutekamutwe’ kubera aya mayeri adasanzwe ikoresha kugira ngo hatagira uyiryaho umunyenga.

Amashusho yakwirakwijwe ku mbuga nkoranyambaga na nyiri iyi farashi, Frasisco Zalasar, ayigaragaza yipfusha igihe cyose hari umuntu ugerageje kuyurira ngo ayitware nk’uko bigenda ku zindi.

Ni amashusho yatangaje benshi mu bayabonye acicikana ku mbuga nkoranyambaga, bamwe batangira gutebya bavuga ko ikwiye guhabwa igihembo cya Oscar, gisanzwe gihabwa abakinnyi rurangiranwa mu gukina filimi kuko mu kwipfusha ishobora guhiga benshi muri bo.

Uku kwipfusha ibikorana ubuhanga buhambaye isohora ururimi, igafunga amaso byose ikabikora yarangije kuryama ku butaka aho iba itanyeganyega na gato.

Ntiharamenyakana neza impamvu iyitera kugira iyi ngeso gusa ishobora kuba irambiwe gukora imirimo idahemberwa cyangwa muri iyi minsi ikaba yumva idashaka uyigora.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .