00:00:00 IGIHE NETWORK KN KINYARWANDA EN ENGLISH FR FRANCAIS

Ingurube yahindukiranye uwari ugiye kuyibaga iramwica

Yanditswe na Umwali Zhuri
Kuya 21 Mutarama 2023 saa 10:02
Yasuwe :

Umubazi w’imyaka 61 wo muri Hong Kong, yapfuye ubwo yageragezaga kubaga ingurube ahubwo ikamuhindukirana ikamuhirika bikaza kumuviramo urupfu.

Uyu mubazi akora mu ibagiro rya Sheung Shui riri mu Majyaruguru y’igihugu, yahiritswe n’ingurube yari agiye kwica, icyuma yari agiye gukoresha ayibaga kimeze nk’umuhoro kiramukomeretsa bikomeye bimuviramo gupfa.

Uyu mubazi yari yabanje kurasa iyi ngurube akoresheje imbunda y’amashanyarazi yifashishwa mu gusinziriza amatungo kugira ngo abagwe neza, gusa yaje kugarura ubwenge, iramuhindukirana.

Mugenzi w’uwo mubazi, yaje kuhagera asanga yaguye hasi yataye ubwenge, afite icyuma mu ntoki n’igisebe ku kuguru kwe kw’ibumoso. Polisi yatangaje ko uwo mugabo yihutanywe kwa muganga ariko ntibigire icyo bitanga, akaza gupfa.

Abayobozi b’umujyi uwo mugabo yakoreragamo, batangije iperereza ku rupfu rwe.

Ibagiro rya Sheung Shui ni ryo iyo ngurube yivuganiyemo umuntu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .