00:00:00 IGIHE NETWORK KN KINYARWANDA EN ENGLISH FR FRANCAIS

Ingaruka z’intambara ya Ukraine n’u Burusiya zageze no ku bashakashatsi

Yanditswe na Zigiranyirazo Bajecteur
Kuya 25 Mutarama 2023 saa 06:58
Yasuwe :

Intambara igiye kumara umwaka ihuza igihugu cy’u Burusiya na Ukraine, yagize ingaruka zikomeye mu nzego zitandukanye utibagiwe urw’ubushakashatsi, kuko hari ubushakashatsi u Burusiya bwari buhuriyeho n’ibindi bihugu bwasubitswe kandi ari ingenzi.

Ikigo cy’u Burayi gishinzwe ubushakashatsi mu bya Nucléaire, CERN, gitangaza ko kuva muri Werurwe umwaka ushize, nta ngingo y’ubushakashatsi mu bya siyansi yigeze isohoka bitewe n’iyo ntambara.

Radiyo Mpuzamahanga y’Abafaransa (RFI), ivuga ko CERN ari kimwe mu bigo mpuzamahanga by’ubushakashatsi binini ku isi, gifite icyicaro ku nkengero z’imipaka y’u Busuwisi n’u Bufaransa.

Iki kigo kivuga ko kuva intambara yatangira, isohoka ry’ubushakashatsi ryadindiye cyane cyane ubwibanda ku bijyanye n’Ubugenge.

Ubusanzwe hajyaga hasohoka nibura ubushakashatsi 100 mu bya siyansi bwerekeranye na nucléaire buri mwaka.

Impamvu igaragazwa yateye irumba ry’ubu bushakashatsi, ni uko hari abashakashatsi b’abanyamuryango bagiye banga kugaragara mu nyandiko z’ubushakashatsi bwakozwe bigizwemo uruhare n’ibigo by’ubushakashatsi byo mu Burusiya, bityo hakaba harafashwe umwanzuro wo kuba baretse gusohora ibyavuye mu bushakashatsi.

CERN yagaragaje ko bibabaje kuba a nta bushakashatsi buherutse gusohoka, ibintu byaherukaga kubaho mu gihe cy’Intambara y’Ubutita yarangiye mu myaka ya 1990.

CERN yatangaje ko ari kimwe mu bigo by'ubushakashatsi byagizweho ingaruka n'intambara ya Ukraine n'u Burusiya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .