Ikigo gishinzwe indege za gisivile muri Uganda cyatangaje ko iyi ndege yo mu bwoko bwa A333 yari ifite urugendo TK612, yahagurutse Entebbe saa 7:14, ifite abagenzi 259. Yerekezaga Istanbul.

Igeze mu kirere yagize ikibazo cyatumye isabwa kongera gusubira Entebbe, ku mpamvu z’umutekano w’abagenzi.

Kubera ko iyi ndege yari yamaze gushyirwamo ibikomoka kuri peteroli byagombaga kuyigeza Istanbul, byayisabye kumara amasaha atatu izengeruka hejuru y’Umujyi wa Kampala kugira ngo ibashe kubigabanya, ubundi igwe ku kibuga ifite ibilo byemewe.