00:00:00 IGIHE NETWORK KN KINYARWANDA EN ENGLISH FR FRANCAIS

Impamvu udakwiye kugira isoni zo gusaba ubufasha mu by’ubuzima bwo mu mutwe

Yanditswe na Yvette Balinda
Kuya 21 July 2022 saa 12:36
Yasuwe :

Ubuzima bwo mu mutwe ni igice gifite umwanya munini mu mibereho yacu ya buri munsi. Nta wabura kuvuga ko ari bwo bugena uko imibereho yacu imeze muri rusange.

Ni cyo gice gikubiyemo ibijyanye n’amarangamutima, imitekerereze, kubana n’abandi. Ubuzima bwo mu mutwe ni bwo bugena uko dutekereza, uko twiyumva n’uko dukora.

Budufasha kumenya uko duhangana n’ibibazo duhura na byo ndetse n’uko gufata ibyemezo bikwiye.

Uko umuntu yakuze, ibimubaho mu buzima bwa buri munsi, na byo bishobora kugira ingaruka ku buzima bwo mu mutwe igihe zaba zititaweho ngo zishakirwe umuti.

Izo ngaruka zishobora kuvamo indwara zo mu mutwe nk’agahinda gakabije, kubatwa n’ibintu bimwe na bimwe, guhangayika bihoraho, uburakari bukabije, igicuri no kubona ibidahari.

Ibi ni byo bituma abahanga bemeza ko ubuzima bwo mu mutwe bukwiye kwitabwaho cyane kuko ari ingenzi kuri buri cyiciro cy’imyaka, kuva mu bwana kugeza mu bukuru.

Ubushakashatsi bwakozwe mu Rwanda bwagaragaje ko 20% by’Abanyarwanda bafite ibibazo by’ubuzima bwo mu mutwe.

Umubare munini muri aba bafite indwara y’agahinda gakabije benshi bayiterwa n’ingaruka za Jenoside yakorewe Abatutsi mu 1994.

Icyakora, indwara zo mu mutwe ni nk’izindi kuko zivurwa zigakira, iyo zititaweho ngo zivuzwe zishobora kuvamo ubumuga buhoraho n’urupfu.

Ubushakashatsi bwagaragaje ko 14.8% by’impfu ku Isi yose ziterwa n’indwara zo mu mutwe.

Mu bicwa n’izi ndwara, harimo abatamenya ko bakeneye ubufasha bw’impuguke mu by’ubuzima bwo mu mutwe, bigatuma batabona ubufasha bacyeneye bikagera ubwo biyahura. Hari kandi n’ababa bazi ko bafite ikibazo ariko bakagira ipfunwe ryo kwivuza.

Inzobere mu by’ubuzima bwo mu mutwe zivuga ko ibibazo by’ubuzima bwo mu mutwe atari ibyo kwirengagiza kandi bidateye ikimwaro kuba umuntu yagira icyo kibazo.

Mu Rwanda buri kigo nderabuzima haboneka ubufasha buhabwa abafite ibibazo by’ubuzima bwo mu mutwe, hari n’amavuriro yihariye afasha akanavura abafite ibyo bibazo.

Ayo mavuriro harimo Ibitaro by’Indwara zo mu Mutwe CARAES Ndera na Huye, Icyizere Psychotherapeutic Centre riherereye mu Karere ka Kicukiro.

Mu gihe umuntu afite ikibazo cy'ubuzima bwo mu mutwe, agirwa inama yo kwegera abaganga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .