Imijyi 10 ya mbere ihenze ku Isi mu kuyibamo

Yanditswe na IGIHE
Kuya 18 Werurwe 2020 saa 09:30
Yasuwe :
0 0

Icyegeranyo ku kiguzi cyo kuba mu mijyi itandukanye ku Isi, cyagaragaje ko imijyi ya Singapore, Osaka na Hong Kong, ari yo ihenze cyane kuyibamo, ikaba yakuye kuri uyu mwanya Umujyi wa Paris, bitewe n’uko ubukungu bwa Aziya burimo kuzamuka cyane.

Ikigo gikora Ubusesenguzi n’Ubushakashatsi ku Bukungu (EIU), cyabaze ikiguzi cyo kuba mu mijyi myinshi ku Isi, mu bushakashatsi bwacyo ngarukamwaka, gisanga umwaka ushize imijyi y’u Burayi nka Paris na Zurich, yaragabanyije ikiguzi.

Umujyi wa Paris umwaka ushize wari ku mwanya wa mbere, wamanutseho imyanya ine ujya ku wa gatanu, aho uri ku rwego rumwe n’uwa Zurich mu Busuwisi, umwaka ushize wari ku mwanya wa kane.

Ubu bushakashatsi bwanogeje na Nicholas Fitzroy, bwagereranyije imijyi 133, bwita ku biciro by’ibicuruzwa na serivisi byahawe abantu 400, birimo ibiribwa, ibyo kunywa, imyambaro, ibikoresho byo mu rugo n’ibindi nkenerwa mu rugo nk’amazi, amashanyarazi n’ibindi.

EIU yagaragaje ko imijyi myinshi y’u Burayi ibiciro byo kuyibamo byagabanutse. Mu mijyi y’i Burayi 37 yakozwemo ubushakashatsi igera kuri 31 irimo Genève na Copenhagen yasubiye inyuma ku rutonde rw’imijyi ihenze.

Abashakashatsi bagaragaje ko uku gusubira inyuma kwatewe n’izamuka ry’ibiciro ku masoko riri hasi ndetse no kuba ubukungu bw’u Burayi butari bwifashe neza cyane.

Imijyi yo muri Leta zunze Ubumwe za Amerika nka New York na Los Angeles yo yarazamutse ku rutonde.

Imijyi 10 ya mbere ihenze

1. Singapore

2. Osaka (u Buyapani)

3. Hong Kong (u Bushinwa)

4. New York

5. Paris (u Bufaransa)

6. Zurich (u Busuwisi)

7. Tel Aviv (Israel)

8. Los Angeles

9. Tokyo (u Buyapani)

10. Genève (u Busuwisi)


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza