00:00:00 IGIHE NETWORK KN KINYARWANDA EN ENGLISH FR FRANCAIS

Ibyo wamenya ku ndege yihariye itwara abo mu muryango w’ubwami bw’u Bwongereza

Yanditswe na Muyisenge Jean Felix
Kuya 26 June 2022 saa 05:08
Yasuwe :

VIP Royal Air Force Voyager izwi nka ‘Vespina’, ni indenge yo mu bwoko bwa Airbus A330, itwara abo mu mu muryango w’ubwami bw’u Bwongereza n’abayobozi bakuru ba Guverinoma nka minisitiri w’intebe.

Iyi ndege ishobora no kwifashishwa mu kongerera benzine izindi ndege mu gihe izishiriyeho ziri mu kirere.

VIP Royal Air Force Voyager ikoranye uburyo bw’itumanaho rikoresheje satellite ryizewe, uburyo bwo kwirinda ibisasu bya misile, ibyumba by’inama, urwambariro, intebe 58 mu myanya y’abanyacyubahiro (business class) n’indi myanya isanzwe 100.

A330 ni ubwoko bw’indenge zikorwa n’uruganda rwa Airbus zikaba zaratangiye gukoreshwa mu 1994.

Muri 2015 Leta y’u Bwongereza yemeje umushinga wo kugura indege izajya yifashishwa mu gutwara abayobozi b’imena, maze biciye mu kigo cy’ubwikorezi bwo mukirere, Royal Air Force (RAF) bagura indege zo mu bwoko bwa A330, asaga miliyoni £10.

Iyi ndenge ya VIP RAF Voyage yifashishijwe bwa mbere mu 2016 ubwo uwari Minisitiri w’Intebe, David Cameron yitabiraga inama ya NATO muri Pologne.

Mu 2020 hatanzwe asaga ibuhumbi £900 kugira ngo iyi ndege ihindurirwe ibirango bigaragaza ubwami bw’u Bwongereza aho gukomeza kugira ibara rya kaki.

Indege zo mu bwoko bwa A330 zikoreshwa n’abandi bayobozi bakuru b’ibindi bihugu bitandukanye nka Arabie Saoudite, Leta Zunze Ubumwe z’Abarabu na Australie.

Iyi ndege yo mu bwoko bwa A330 ishobora kongerera benzine izindi ndege ziri mu kirere
Iyi ndege niyo Igikomangoma Charles cya Wales yajemo mu Rwanda aje kwitabira CHOGM
Indege ya VIP RAF Voyager (Vespina) ni yo itwara abayobozi bakuru mu Bwongereza

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .