Ibikoresho byifashishwa n’abashaka ‘kwikinisha’ muri Amerika biri gukosha kubera COVID-19

Yanditswe na Umutoni Rosine
Kuya 26 Werurwe 2020 saa 05:53
Yasuwe :
0 0

Ibikoresho byifashishwa n’abashaka ‘kwikinisha’ bizwi nka ‘sex toys’ biri kugurwa cyane ku isoko bitewe n’ingamba zafashwe n’ibihugu bitandukanye zirimo kutegerana mu kwirinda ikwirakwira rya COVID-19.

Ubusanzwe ’sex toy’ ni igikoresho kimeze nk’igitsina cy’umugabo cyangwa icy’umugore gishobora kwifashishwa n’abashaka kugera ku ndunduro y’ibyishimo bya nyuma bibonwa n’abakora imibonano mpuzabitsina.

Mu gihe Isi yugarijwe n’icyorezo cya COVID-19, hashyizweho ingamba zitandukanye zituma abantu bamwe na bamwe bashyirwa cyangwa bakishyira mu kato ngo batanduza abandi cyangwa bagakwirakwiza ubwo burwayi.

COVID-19 yatangiriye mu Bushinwa mu mpera za 2019. Abamaze kuyandura basaga ibihumbi 491, muri bo 22,165 bitabye Imana mu gihe 118,059 batoye agahenge.

Kuri ubu imiryango iri hamwe, abagabo n’abagore bari kumwe umunsi ku wundi.

Mashable yanditse ko muri ibi bihe hari ababatwa n’umuco wo kwikinisha bitari gusa gushaka ibyishimo bihebuje ahubwo ari no gushaka icyo gukora.

Iki kinyamakuru kivuga ko ku bijyanye n’imibonano mpuzabitsina, muri New York City hatanzwe inama ko muri iki gihe “Ni wowe utekanye mu gihe cyo kuryamana na mugenzi wawe.’’

Bijyanye n’ibihe birimo kurambirwa, kuba wenyine n’amabwiriza y’Umujyi wa New York, hari abahisemo kugura ‘sex toys’ bituma ingano y’izikenerwa izamuka.

Umuvugizi w’Ikigo kiri mu bikomeye mu bicuruza ibikoresho bishushe nk’ibitsina kizwi nka Adam & Eve yavuze ko mu cyumweru gishize bazamuye ingano y’ibyo bagurisha buri munsi ho 30% ugereranyije n’umwaka ushize.

Ubwiyongere bw’abashaka ‘sex toys’ ntibushingiye ku rubyiruko gusa ahubwo n’abubatse na bo bari kwirwanaho.

Hagati y’icyumweru cya mbere n’icya gatatu cya Werurwe 2020, Emojibator ikora ibikoresho byifashishwa n’abashaka kwikinisha yabonye izamuka rya 225% mu byo icuruza byose harimo ibyatangiwe ku iduka, kuri Amazon no kuri internet ndetse n’izamuka rya 345 % kuri internet gusa.

Kristin Fretz washinze Emojibator yavuze ko “ubusabe bw’ibicuruzwa bwiyongereye mu cyumweru gishize bitewe ku kuba buri wese yarashakaga kwibikaho icyo ashaka kujya yifashisha mu rugo rwe mu gihe atemerewe kuva mu rugo.’’

Mbere yuko Leta Zunze Ubumwe za Amerika zitangira gusaba abaturage kutava mu ngo, abantu benshi bari bamaze kwitegura uko bazabaho muri icyo gihe.

Ingano y’ibikoresho byifashishwa mu kwikinisha by’abagore bya ‘Dame’ yiyongereyeho 30% kuva muri Gashyantare cyane cyane mu mijyi ya New York na Los Angeles.

COVID-19 iterwa na Coronavirus, imaze guhitana abasaga 1000 muri Amerika mu gihe umubare w’abayanduye ugera ku 68 000.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza