Ibihugu bya mbere byiza warereramo umwana wawe

Yanditswe na Joy Monique Dukuze Umutesi
Kuya 16 Mutarama 2020 saa 03:26
Yasuwe :
0 0

Ntagushidikanya uramutse uhawe urutonde rw’aho warerera umwana wawe akahakura ubumenyi bwiza bwo mu ishuri, wahitamo Leta zunze ubumwe za Amerika.

Muri raporo ikorwa n’ikigo cy’itangazamakuru cyo muri Leta zunze ubumwe za Amerika, gifatanyije n’ishuri ryigisha ibijyanye n’ubucuruzi rya kaminuza ya Pennsylvanie, kuva mu mwaka wa 2016, Amerika yaje ku isonga mu bihugu bitanga ubumenyi buhambaye bwo mu ishuri.

Leta zunze ubumwe za Amerika ziza ku mwanya wa 32 ku rutonde rw’ibihugu bifite umutekano ku Isi, ibi bigatuma hataba ahantu heza ho kurerera umwana wawe.

Ugendeye ku zindi mpamvu nziza nk’umutekano, ubwuzuzanye n’uburinganire, ubuzima bwiza, amategeko aboneye umuryango n’uburenganzira bwa muntu, Amerika iza ku mwanya wa 18 mu bihugu byiza warereramo umwana wawe.

Deidre McPhillips, ushinzwe gutangaza imibare mu kigo cy’itangazamakuru cya Amerika, avuga ko ubwuzuzanye n’uburinganire bifitanye isano n’ibindi bintu byiza igihugu kiba gifite kugira ngo kibe cyiza.

Raporo yakozwe n’iki kigo igamije kureba aho warerera umwana wawe, yasuzumye abantu bagera ku bihumbi makumyabiri bo mu bihugu 73 byo ku migabane ya Amerika. Aziya, u Burayi, Uburasirazuba bwo hagati no ku mugabane wa Afurika, igendeye ku bintu 65 bitandukanye.

Abakozweho isuzuma, ni abayobozi mu bijyanye n’ubucuruzi, abageze mu ishuri, abashobora gusoma cyangwa gukurikirana amakuru byibura inshuro enye ku munsi, n’abandi baturage bari hejuru y’imyaka 18 b’ibitsina byombi bahagarariye ibihugu byabo.

Ibihugu byinshi byo ku mugabane w’u Burayi, Canada, Australia ni byo biza ku myanya y’imbere.

McPhillips, avuga ko ibihugu nka Danmark, Suède, na Norvège ari byo byihariye imyanya ya mbere kubera ko bizwiho gutanga ikiruhuko ku babyeyi (abagabo n’abagore), amashuri y’ubuntu y’incuke, bifite kandi n’imyigishirize myiza.

Canada iza ku mwanya wa kane mu bihugu byiza warereramo umwana wawe, ikurikiwe n’u Buholandi, Finlande, u Busuwisi, Nouvelle-Zélande, Australia na Autriche. U Bwongereza buza ku mwanya wa 11.

U Busuwisi bwaciye agahigo, buza ku mwanya wa mbere w’ibihugu byiza inshuro ya kane. Canada yaje ku mwanya wa kabiri muri rusange, ikurikirwa n’u Buyapani, u Budage, Australia n’u Bwongereza.

Amerika nk’igihugu cya mbere gikomeye ku isi, yaje ku mwanya wa karindwi muri rusange, mu gihe muri raporo yo muri 2016 yari ku mwanya wa kane, ariko mu gihe hategerejwe amatora ya Perezida, iki gihugu gifite amanota 16 gusa ku ijana mu bihugu bifitiwe icyizere.

McPhillips avuga ko iki gihugu kitakiri mu bifitiwe icyizere.

Ati “Leta zunze za Amerika ntabwo zigifitiwe icyizere. Icyizere cya 50% gusa ni cyo zifite ugereranyije n’ubwo twatangiraga gukora ubushakashatsi muri 2016.”

Amerika yaje ku mwanya wa 15 mu bihugu bituwe cyane, bifite uburyo bwiza bwo kubaho n’igihugu cyiza cyo gusura, iza ku mwanya wa 17 mu bihugu bifite ubuzima butabangamira ibidukikije, iza ku mwanya wa 18 mu bihugu bikora ibintu mu mucyo, hanyuma iza ku mwanya wa 26 mu bihugu watemberamo wenyine.

Mu bihugu byubahiriza ubwuzazanye n’uburinganire, yaje ku mwanya wa 15, nyuma y’ibihugu byo mu Majyaruguru y’u Burayi, Canada, Australia na Nouvelle-Zélande.

Ibihugu byiganjemo ibyo ku mugabane w'u Burayi nibyo biza imbere mu hantu heza ho kurerera umwana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .