00:00:00 IGIHE NETWORK KN KINYARWANDA EN ENGLISH FR FRANCAIS

RDC: Abaturage bagiye gukusanya ibiribwa by’ingabo ziri ku rugamba

Yanditswe na IGIHE
Kuya 28 May 2022 saa 12:41
Yasuwe :

Umuryango uharanira impinduka muri Repubulika Iharanira Demokarasi ya Congo (LUCHA), kuri uyu wa 27 Gicurasi watangije ubukangurambaga bwo gukusanya inkunga y’ibiribwa bigenewe ingabo z’iki gihugu (FARDC).

Ubu bukangurambaga buje mu gihe FARDC iri ku rugamba ihanganyemo n’inyeshyamba za M23 muri Teritwari za Rutshuru na Nyiragongo muri Kivu y’Amajyaruguru.

Espoir Ngalukiye, impirimbanyi muri uyu muryango yagize ati “Abasirikare bacu bakeneye kumva ko abaturage babari inyuma. Ni yo mpamvu LUCHA yatangije ubu bukangurambaga. Turasaba abaturage gutanga ibyo bashobora kubona nk’amavuta, isabune n’amafaranga.”

Uyu muryango wahamagariye Abanye-Congo bakunda igihugu kwitabira ubwo bukangurambaga no kugaragariza urukundo ingabo zabo zikeneye ubufasha bwa buri wese muri iki gihe kugeza igihe zizatsinda urugamba.

Ngalukiye yakomeje agira ati “Umuntu udashoboye kwigerera ku musirikare mu buryo butaziguye yakwegera LUCHA ikamugerera ku rugamba.

Mu duce tw’imirwano hagati ya FARDC na M23 kuva ku wa 26 Gicurasi twabonetsemo agahenge.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .