Egypt Independent ivuga ko aya mafoto Uterwijk yashyize ku rukuta rwe rwa Twitter, yayakoze ashingiye ku bishushanyo byabo bya kera byashushanyijwe ku mabuye n’abanya-Misiri.

Mu Misiri usanga umwami, umwamikazi, imana zabo za kera cyangwa undi muntu ukomeye hari igihangano cyerekana ishusho y’uko yasaga.

Uterwijk yifashishije ibyo bihangano n’ikoranabuhanga rikoresha ubwenge bw’ubukorano (Artificial Intelligence), maze akora ifoto imeze nk’izo dusanzwe tubona yerekana isura ya Akhenaten na Nefertiti uko bari kuba basa iyo baba bariho muri iki gihe.

Ku rukuta rwe rwa Twitter, Uterwijk, yagize ati “Siniyita umuhanga mu bya siyansi, amafoto nakoze ya kera ashingiye ku bihangano byakozwe mu bihe byabo. Nkoresheje ubwenge bw’ubukorano, nahinduye uburyo bwa kera bashushanyagamo mbushyira mu buryo bwiza bunogeye ijisho.”

#Akhenaten and #Nefertiti

I don't claim to be a scientist. The historical portraits I make are based on artworks mostly made during the period of their subjects.
With AI I filter out the sculpting styles of ancient portraiture and guide it to a credible outcome#artbreeder pic.twitter.com/Qt3485Gnaq

— Ganbrood (Bas Uterwijk) (@ganbrood) February 19, 2021

Uyu mufotozi azobereye mu gukoresha uburyo bwitwa ‘generative adversarial network(GAN)’, bwifashishwa mu guhindura ibihangano byakozwe kera by’abantu bari bazwi, bigashyirwa mu mufoto asanzwe abantu b’iki gihe bakoresha.

Si we wenyine wakoze ibi kuko hari undi muhanzi ukora ibihangano witwa Daniel Voshart, wakoze amafoto y’abantu batatu bari abami b’abami ba Roma, ayakura mu mu bihangano bya kera ayahindura mu mafoto asanzwe ku buryo iyo uyarebye ubona asa neza na y’iki gihe.

View this post on Instagram

A post shared by Daniel Voshart (@dvoshart)

Uko igihangano cy'umwamikazi Nefertiti cyahinduwe mu ifoto isanzwe y'iki gihe (Ifoto TRT World)

Uku niko uyu mwami n'umwakazi ba Misiri babayeho mbere ya Yezu bari kuba basa iyo baba bakiriho

Uku niko Bas Uterwijk yahinduye igihangano cy'umwami Akhenaten mu ifoto isanzwe