00:00:00 IGIHE NETWORK KN KINYARWANDA EN ENGLISH FR FRANCAIS

Espagne: Batatu bapfiriye mu masiganwa y’ibimasa

Yanditswe na Muyisenge Jean Felix
Kuya 21 July 2022 saa 05:34
Yasuwe :

Abagabo batatu bo muri Espagne bamaze gupfa bazira ibikomere batewe n’ibimasa ubwo bitabiraga imihango yo gusiganwa na byo imaze iminsi ibera mu Ntara ya Valence iherereye mu Burasirazuba bw’igihugu.

Aba bagabo bapfuye mu masaha 24 ashize nubwo bombi bakomeretse mu bihe bitandukanye mu byumweru bibiri bishize hari kuba ayo amasiganwa y’ibimasa asanzwe aba mu mpeshyi.

BBC itangaza ko umugabo umwe w’imyaka 56 yatuwe hasi n’ikimasa akomereka mu bwonko, undi w’imyaka 50 atoborwa ibihaha n’ihembe ry’ikimasa mu gihe uwa gatatu w’imyaka 64 we yapfuye azize ibikomere.

Amasiganwa y’ibimasa aramenyerewe muri Espagne aho usanga iyo impeshyi igeze buri mwaka mu bice bitandukanye by’iki gihugu ategurwa. Ibimasa birekurirwa mu mihanda y’umujyi ubundi bakabigenda imbere.

Iyi mikino ijya ikurura ba mukerarugendo baturutse mu bindi bihugu bajya kuyikurikirana ndetse ifatiye runini ubukungu bwa Valence kuko itanga akazi ku barenga 3000 ikaninjiza asaga miliyoni 300 z’amayero buri mwaka.

Imiryango irengera inyamaswa yakomeje kwikoma iyi mihango yo gukinisha ibi bimasa igaragaza ko bishyira abaturage mu kaga ikanatesha agaciro inyamaswa. Bavuze ko abantu bagera kuri 20 bamaze gupfa muri aka karere mu myaka umunani ishize.

Imihango yo gusiganwa n'ibimasa ikunze kuba muri Espagne
Ibimasa birekurirwa mu mihanda ubundi abantu bagasiganwa na byo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .