00:00:00 IGIHE NETWORK KN KINYARWANDA EN ENGLISH FR FRANCAIS

Cristiano Ronaldo yitiranyije Afurika y’Epfo na Arabie Saoudite

Yanditswe na IGIHE
Kuya 4 Mutarama 2023 saa 12:34
Yasuwe :

Rutahizamu w’Umunya-Portugal, Cristiano Ronaldo yahindutse iciro ry’imigani nyuma yo kwitiranya igihugu gishya agiye kujya akiniramo cya Arabie Saoudite na Afurika y’Epfo.

Ku wa Kabiri tariki 3 Mutarama mu 2023 nibwo Cristiano Ronaldo yerekanywe nk’umukinnyi mushya wa Al Nassr yo muri Arabie Saoudite.

Ubwo yari mu kiganiro n’itangazamakuru, uyu mugabo w’imyaka 37 yumvikanye yitiranya igihugu cya Arabie Saoudite na Afurika y’Epfo.

Ati “Umupira w’amaguru uratandukanye, ku bwanjye kuza muri Afurika y’Epfo ntabwo ari iherezo ry’urugendo rwanjye. Iyi niyo mpamvu nahisemo guhindura kandi mvugishije ukuri ntabwo mpangayikishijwe n’ibyo abantu bari kuvuga.”

Cristiano Ronaldo akimara gutangaza ibi yahise asamirwa hejuru n’abakoresha imbuga nkoranyambaga, bagaragaza ko batunguwe no kuba uyu mugabo atazi n’igihugu agiye gukinamo.

Ku wa Gatanu tariki 30 Ukuboza 2022 nibwo Ronaldo yashyize umukono ku masezerano ya nyuma amwerekeza muri Al Nassr nyuma yo gutandukana na Manchester United yo mu Bwongereza. Yavuze ko atari umwanzuro yicuza kuko ibyinshi mu byo yaharaniraga yabashije kubigeraho mu makipe atandukanye yanyuzemo i Burayi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .