00:00:00 IGIHE NETWORK KN KINYARWANDA EN ENGLISH FR FRANCAIS

Crêpes zajyanye umuntu mu rukiko

Yanditswe na Umwali Zhuri
Kuya 23 Mutarama 2023 saa 02:20
Yasuwe :

Umuryango wa Alex Polge n’umugore we Marlène Dupont bari mu mazi abira, nyuma yo guhamagazwa n’urukiko kubera ikirego cy’umuturanyi wabo, wabareze abashinja kumubangamira kubera uruganda rwabo rukora Crêpes.

Alex n’umugore we bafite uruganda rukora Crêpes ruherereye mu gace ka Erquy mu Majyaruguru ashyira Uburengerazuba bw’u Bufaransa. Ni uruganda rwubatse mu gace gatuyemo abantu.

Hari umusaza baturanye ubarembeje ndetse wabajyanye mu nkiko, abashinja kumusakuriza ndetse no kumubangangamira kubera impumuro za Crêpes bakora.

Uyu muryango uvuga ko waguze urwo ruganda mu 2019, nyuma y’uko abarukoreragamo baruvuyemo, bagashaka kurugurisha.

Ni uruganda rwiza ruherereye mu gace gakunda kugeramo abakerarugendo benshi, ari nabo bakiliya benshi ba Alex na Marlène.

Icyakora, umuturanyi wabo uri mu kiruhuko cy’izabukuru ntaborohereye kuko yabasabye gufunga urwo ruganda cyangwa bakaruvugurura ku buryo urusaku rw’abakiliya baza kugura Crêpes n’impumuro zazo zitamugeraho.

Uyu muryango watunguwe mu minsi ishize, ubwo wazanirwaga urwandiko rw’urukiko rubahamagarira kwitaba, bakisobanura ku buryo bamaze igihe babangamiye umusaza w’umuturanyi.

Alex na Marlène bavuga ko bagerageje ibishoboka byose bakavugurura ndetse parikingi y’imodoka z’abakiliya igashyirwa kure ngo zidasakuriza uwo musaza, gusa ngo aho bigeze bararambiwe.

Bavuze ko uwo muturanyi wabo ari kwiyenza, batangiza ubusabe kuri internet bwo kubashyigikira, kugira ngo barenganurwa kuko uwo musaza amaze igihe abajujubya.

Alex na Marlène bavuze ko bamaze igihe bajujubywa n'umuturanyi wabo wababwiye ko Crêpes bakora zimunukira

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .