Kuva mu 2023 Cardinal Giovanni Angelo Becciu ahamwe n’ibi byaha yahise yamburwa bumwe mu burenganzira bw’Aba-Cardinal burimo no gutora Papa. Gusa kuri ubu we ntabikozwa.

Nyuma yo guhamwa n’ibyaha byo kunyereza umutungo, Cardinal Becciu, yakatiwe igifungo cy’imyaka itanu n’igice. Ni we mu-Cardinal wa mbere wari uhamijwe icyaha n’Urukiko mpanabyaha rwa Vatican.

Uyu mugabo yahise ajurira iki gihano, kuri ubu hakaba hategerejwe undi mwanzuro uzafatwa. Kugeza ubu yemerewe gukomeza kuba i Vatican mu gihe hategerejwe umwanzuro w’urukiko.

Nubwo ibiro bya Papa Francis byari byarakuye Cardinal Becciu ku rutonde rw’Aba-Cardinal bemerewe gutora Papa, we avuga ko uyu mwanzuro ukwiriye guteshwa agaciro, agatora kimwe n’abandi.

Biteganyijwe ko umwanzuro kuri iki kibazo cya Cardinal Becciu uzafatwa n’Umuyobozi w’Inama y’Aba-Cardinal, Giovanni Battista Re na Cardinal Pietro Parolin uzayobora amatora ya Papa uzasimbura Francis.

Cardinal Giovanni Angelo wahamijwe kunyereza umutungo wa Kiliziya yarubiye ngo nawe agomba gutora Papa