00:00:00 IGIHE NETWORK KN KINYARWANDA EN ENGLISH FR FRANCAIS

Burundi: Uwiyita umwami yatawe muri yombi hamwe n’abayoboke be

Yanditswe na Bukuru JC
Kuya 1 September 2022 saa 04:40
Yasuwe :

Inzego zishinzwe umutekano mu Burundi zataye muri yombi umugabo wiyita umwami ndetse uhamya ko ubutegetsi bushingiye kuri demokarasi bwamaze gushyirwaho iherezo.

Uwo mugabo yitwa Muhimpundu Lambert. Yiyise umwami w’agakiza ariko yimitswe n’abayoboke be ku wa 28 Kanama uyu mwaka, bakaba bavuga ko ku wa 20 Kanama ari bwo ubwami bwagarutse mu Burundi kuko ubutegetsi bushingiye ku mashyaka menshi na demoakarasi bwarangiye.

Muhimpundi n’abayoboke be 19 batawe muri yombi mu ijoro ryo ku wa 31 Kanama 2022 ahitwa Karonke muri zone ya Minago mu Ntara ya Rumonge nk’uko inkuru dukesha Iwacu Burundi ibivuga bajyanwa gufungirwa i Bujumbura.

Mu bafatanwe na we harimo abagabo 10, abagore 6 n’abana b’abakobwa babiri.
Abazi iby’uyu mugabo bavuze ko yakunze gukorera ingendo muri Uganda na Tanzania ndetse yanabaye mu nkambi y’impunzi ya Nakivale muri Uganda.

Bivugwa ko abayoboke be bajya bamuheka akaba agendera ku ndangaminsi yihariye. Yigeze gukurikiranwaho ibyaha byo gucuruza abana b’abakobwa ariko ngo yavuze ko abajyana kugira ngo bajye gukorera Imana.

Umugabo wiyita umwami ndetse uhamya ko ubutegetsi bushingiye kuri demokarasi bwarangiye mu Burundi, yatawe muri yombi
Abayoboke be na bo batawe muri yombi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .