00:00:00 IGIHE NETWORK KN KINYARWANDA EN ENGLISH FR FRANCAIS

BMW yashyize hanze imodoka yihinduranya amabara

Yanditswe na Umwali Zhuri
Kuya 6 Mutarama 2023 saa 08:46
Yasuwe :

BMW yashyize ku isoko ubwoko bw’imodoka yayo ishobora kwihindura ibara, ifite n’ubushobozi bwo kwereka umushoferi amakuru yose y’urugendo ayarebeye muri Pare-brise.

Iyi modoka yahawe izina rya i Vision Dee, yamuritswe ku wa Gatatu w’iki Cyumweru mu imurika ry’ibikoresho bijyanye n’ikoranabuhanga ryabereye i Las Vegas muri Amerika.

Umwaka ushize nabwo BMW yari yamuritse imodoka igiye kumera nk’iyi ishobora guhindura amabara ariko yo yahindukaga umweru, umukara cyangwa se ibara risa n’ivu.

Imodoka nshya yashyizwe ku isoko ifite ubushobozi bwo guhindura amabara ku buryo yamera nk’umukororombya.

BMW i Vision Dee ni imodoka byitezwe ko izaba ikirango cy’imiterere y’imodoka zizakorwa mu myaka iri imbere n’inganda zikora imodoka zigezweho.

Urugero, kuba amakuru ajyanye n’urugendo rw’imodoka yajya agaragazwa muri Pare-brise ni ibintu byitezwe ko bizatangira gushyirwa mu modoka nyinshi mu 2025.

BMW yashyize ku isoko imodoka ishobora guhindura ibara

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .