Amateka y’ikanzu y’umweru ikunze kwambarwa n’abageni

Yanditswe na Mukahirwa Diane
Kuya 25 Ugushyingo 2020 saa 08:47
Yasuwe :
0 0

Ubukwe ni kimwe mu birori byizihizwa ku buryo bukomeye cyane. Ubufite abwitegura mu buryo buhagije ndetse agashaka n’imyambaro yabugenewe, mu bihugu byinshi usanga abageni bambaye amakanzu y’umweru bikaba bimaze kuba umuco.

Mu myaka yo hambere ababaga bakoze ubukwe bambaraga imyenda bashatse bitewe n’amahitamo yabo, aho wasangaga abageni bambaye amakanzu afite amabara atandukanye bitewe n’iryo bishimiye.

Hari n’abambaraga amakanzu bitewe n’umuco wabo nko mu bwami bw’abaromani, abageni bambaraga amakazu y’umuhondo, naho abashinwa bambaraga amakanzu y’umutuku n’umukara.

Icyakora ibyo ntibyagenderwagaho cyane wasangaga umugeni ahitamo ikanzu bitewe n’amarangamutima ye n’ibara akunda kwambara.

Kwambara ikanzu y’umweru ku bageni byamamaye muri 1840 mu bukwe bw’umwamikazi Victoria w’u Bwongereza ubwo yari agiye gushyingirwana n’igikomangoma Albert. Uwo munsi yaje yambaye ikanzu yererana.

Victoria ubwo yatihitagamo kwambara ikanzu y’umweru, yashakaga kugaragara nk’umuntu ukeye bitewe n’uko ibara ry’umweru rigaragaza umucyo.

Kubera ko yari umuntu uzwi cyane, ibinyamakuru byamwanditseho bituma ya kanzu y’umweru yari yambaye yamamara, abanyamakauru bayivugaho byinshi bayitaka bituma n’abandi bageni gutangira kumwigana bakajya bazambara.

Byageze mu myaka ya 1900 hari abageni bake bambara amakanzu y’umweru ariko byagiye biba umuco gahoro gahoro kugeza ubwo bikwiriye henshi ku isi, aho umugeni utayambaye ashobora no kwanga kuva iwabo.

Amateka y’ikanzu y’umweru yagiye akomera kugeza aho byabaye umuco ku bageni benshi. Icyagiye gihinduka ni uburyo iba ikozwemo ariko ibara ryo ryagumye ari umweru.

Mu Rwanda kimwe n’ibindi bihugu umwambaro w’abageni n’ikanzu y’umweru izwi nk’agatimba. Uko iminsi igenda ishira imiterere y’iyo kanzu n’uburyo idoze bigenda bihinduka ariko ibara ryo ntirihinduka.

Kwambara ikanzu y'umweru ku bakobwa bakoze ubukwe byabaye umuco

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .