00:00:00 IGIHE NETWORK KN KINYARWANDA EN ENGLISH FR FRANCAIS

Air One, imodoka igura miliyoni 150 Frw iguruka

Yanditswe na Umwali Zhuri
Kuya 24 Ukuboza 2022 saa 12:30
Yasuwe :

Sosiyete y’ikoranabuhanga yo muri Israeli iri gukora imodoka ishobora kuguruka, aho bivugwa ko ifite imiterere n’imikorere imeze nk’iyi ndege kandi ko mu myaka ibiri iri imbere izaba yashyizwe ku isoko.

Iyo Sosiyete yitwa AIR yatangaje ko iyo modoka ishobora kuguruka izajya hanze mu mpera za 2024 nyuma y’igeragezwa rimaze iminsi rikorwa.

Imodoka yayo ya mbere yiswe AIR ONE, ikoreshwa n’amashanyarazi kandi ishobora kugenda ibilometero 177 nta wundi muriro ushyizwemo. Ibarirwa ko ku isaha ishobora kugenda ibilometero 250 iri ku butumburuke bwa metero 365. Ifite imyanya ibiri.

Ifite amababa yikunja ayibashisha kuba yakwiparika cyangwa se kuba yaguruka. Yakorewe gukora ingendo z’abantu ku giti cyabo mu byerekezo bitari ibya kure cyane.

Mu gihe iyi modoka itarashyirwa ku isoko, sosiyete yayikoze yamaze kwakira abantu basaba kugura, aho ubu imodoka zasabwe ari 273. Abenshi mu bashaka izo modoka ni abakiliya bo muri Amerika.

Igiciro cyayo cyashyizwe ku bihumbi 150$ asanzwe n’ubundi ari ikiguzi cy’imodoka nziza igezweho.

Mu 2024 byitezwe ko hazagurishwa imodoka ziri hagati ya 150 na 200. Nyuma y’uwo mwaka, intego ni uko mu myaka ibiri hazaba hamaze kugurishwa nibura 5000.

Ishobora kugenda mu kirere ipima toni imwe n’ibilo 100 harimo nibura ibiro 150 by’abagenzi.

Igendera ku butumburuke bwa metero zirenga 360
Air One ifite imyanya ibiri, ntabwo ishobora gutwara abantu barengeje ibilo 150

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .