Abashakashatsi bavumbuye ikintu kimaze igihe kinini kurusha ibindi ku Isi

Yanditswe na IGIHE
Kuya 14 Mutarama 2020 saa 11:24
Yasuwe :
0 0

Ni ibice by’ikibuye cyaguye ku Isi ahagana mu 1960, bigaragara ko gifite ibice byaba bimaze imyaka isaga miliyari 7.5.
Ibice bito by’icyo kibuye kiremeye mu kirere, bigaragaza ko cyavutse hatarabaho urwunge rw’imibumbe izenguruka izuba bizwi nka Système solaire, ari narwo Isi dutuyemo ibarizwamo, kuko abahanga bavuga ko Izuba rimaze imyaka miliyari 4.6.
Abahanga bageze kuri ubu buvumbuzi babwanditse mu kinyamakuru cyandika ibijyanye na siyansi, Proceedings of the National Academy of Sciences. (...)

Ni ibice by’ikibuye cyaguye ku Isi ahagana mu 1960, bigaragara ko gifite ibice byaba bimaze imyaka isaga miliyari 7.5.

Ibice bito by’icyo kibuye kiremeye mu kirere, bigaragaza ko cyavutse hatarabaho urwunge rw’imibumbe izenguruka izuba bizwi nka Système solaire, ari narwo Isi dutuyemo ibarizwamo, kuko abahanga bavuga ko Izuba rimaze imyaka miliyari 4.6.

Abahanga bageze kuri ubu buvumbuzi babwanditse mu kinyamakuru cyandika ibijyanye na siyansi, Proceedings of the National Academy of Sciences.

Bavuga ko iyo inyenyeri ipfuye, ibice byayo biba bizenguruka mu isanzure, bikaba byakwihuza bikaba nk’umubumbe, inyenyeri nshya cyangwa ibibuye bitembera mu isanzure.

Umwarimu muri Kaminuza ya Chicago unakora mu nzu ndangamurage y’uwo mujyi, Philipp Heck, yavuze ko ibyatahuwe ari utubuye dukomeye, bigaragara ko ari ibice by’inyenyeri.

Muri ubu bushakashatsi, abahanga bo mu Busuwisi na Leta Zunze Ubumwe za Amerika basesenguye ibice by’ikibuye (meteorite) cyaguye ahitwa Murchison muri Australia ahagana mu 1969.

Philipp Heck yakomeje ati “Iyi ni imwe mu nyigo zitangaje cyane nakozeho. Ibi nibyo bintu bifatika bibashije kuvumburwa bimaze igihe kirekire, binatubwira uko inyenyeri zagiye zivuka mu mibereho yazo. Ni ibimenyetso bikomeye by’inyenyeri.”

Yavuze ko "10% by’ibice babonye kuri icyo kibuye bimaze imyaka isaga miliyari 5.5, naho 60% byo biracyari bito mu myaka miliyari 4.6 na 4.9, mu gihe ibindi biri hagati y’ibimaze igihe kirekire n’ibimaze igihe kigufi.”

Yavuze ko muri icyo kibuye hashobora kuba harimo n’ibice bimaze igihe kinini cyane kurusha ibyagaragaye, nubwo bitaravumburwa.

Ikintu cyaherukaga kwemezwa ko kimaze igihe kirekire ku Isi cyari kimaze imyaka miliyari 5.5.

Abahanga bavumbuye utubuye tumaze igihe kinini ku Isi kurusha ibindi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .