Abashakashatsi bagaragaje ko Coronavirus ishobora kumara iminsi itanu ku nkweto

Yanditswe na Twarabanye Venuste
Kuya 27 Werurwe 2020 saa 09:52
Yasuwe :
0 0

Inzobere mu by’Indwara zandura bavuze ko Coronavirus ishobora kumara iminsi itanu cyangwa irenga ku nkweto, ikaba ari impamvu ikwiye gutuma uri kuyirinda atinjiza inkweto yajyanye ahahurira abantu benshi.

Inzobere mu kuvura indwara zandura zatangaje ko COVID-19 ishobora kumara iminsi irenga itanu ku nkweto, bavuga ko ari hamwe mu hantu umuntu atwara iyo virusi igihe yazambaye akajya mu maguriro, ku bibuga by’indege cyangwa mu mihanda.

Mu busanzwe umupira w’inkweto ni kimwe mu gice cyazo gitwara udukoko na virusi zitandukanye, ariko n’udutonyanga duto tugenda mu mwuka tuvuye ku muntu wanduye coronavirus dushobora kuguma aho ariho hose ku nkweto nko ku mishumi yazo n’ahandi.

Igice cyo hasi cy’inkweto umuntu akandagiza gikoze muri Pulasitiki. Ibyo ngo bituma hatwara udukoko n’imyanda myinshi kubera ko nta twenge ducamo amazi cyangwa umwuka.

Abanya-Australia ni bamwe mu batangiye kugenzura ibyinjira mu nzu zabo nyuma y’uko abanduye coronavirus bageze ku 190 muri leta ya New South Wales honyine, byatumye umubare mu gihugu hose ugera ku 2793 n’abapfuye bagera kuri 12.

Ubushakashatsi bwasohotse mu kinyamakuru cyandika ku buzima cyo mu Bwongereza, New England Journal of Medicine, buvuga ko Coronavirus ishobora kumara amasaha 24 ku kintu gifite imyenge nk’igikarito, umwenda n’ahandi naho ku bintu bikomeye nk’ibyuma, amasahani, ameza na Pulasitiki ikahamara iminsi itatu.

Ni mu gihe bwerekanye ko virusi zishobora kumara iminsi itanu ku bikoresho bigize inkweto. Ibintu abantu bafataho buri kanya nka telefoni, ahafungurirwa inzugi n’amadirishya, kuri mudasobwa n’ibindi bishobora gusukurwa hakoreshejwe alcool ifite ubukana bwa 70%.

Inzobere mu ndwara z’ibyorezo n’uburyo zikwirakwira, Dr. Georgine Nanos, yabwiye Huffington Post ko umupira w’inkweto utwara COVID-19 iyo umuntu yageze ahantu hahurira abantu benshi nko mu biro, mu maduka, ku bibuga, mu modoka no ku bibuga by’indege.

Abantu badakorera mu rugo bakomeje imirimo yabo nk’abakora mu nzego z’ubuzima, mu maduka n’ahandi, yavuze ko bagirwa inama yo gukoresha umuguru umwe w’inkweto igihe cyose bagiye ku kazi.

Inkweto z’imyenda zigomba gusukurwa mu mashini zabugenewe hakoreshejwe ubushyuhe buke naho inkweto zikomeye nka bote cyangwa izo abantu bita ‘iz’uruhu’ zikwiye gusukurwa umuntu akoresheje intoki hakoreshejwe umuti wica udukoko.

Si byiza kwinjiza inkweto mu nzu kubera ko hagaragajwe ko zibika coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .