00:00:00 IGIHE NETWORK KN KINYARWANDA EN ENGLISH FR FRANCAIS

Abari batunzwe no kumansura i Kigali barabogoza nyuma y’umwaka utubari dufunze

Yanditswe na Thamimu Hakizimana
Kuya 30 Mata 2021 saa 02:43
Yasuwe :
0 0

Abari batuzwe no kubyinira mu tubari dutandukanye two mu Mujyi wa Kigali barataka inzara nyuma y’umwaka urenga aho bakuraga amaramuko hafunzwe nta n’icyizere cyo gufungurirwa vuba.

Iyi nzara bayihuje n’abandi bakoraga imirimo ifite aho ihuriye n’utubari tumaze umwaka n’ukwezi kumwe dufunzwe, niba atari bimwe ahari by’abanyagiranwa n’abandi bati ‘twe twaboze’.

Bamwe mu bahoze bamansura (babyina byo gushimisha abakiliya) mu tubari two muri Kigali baganiriye na IGIHE, bavuze ko babayeho mu buzima bugoye cyane bitewe n’igihe kirekire bamaze badakora.

Bavuga ko bahangayikishijwe n’ubuzima babayemo muri iki gihe kuko kugira ngo babone ibibatunga biba bitoroshye muri iki gihe igihugu cyiri guhangana n’icyorezo cya Covid-19.

Byiringiro Patrick, wari utunzwe no kumansura yavuze ko ubukene bumugeze habi kugeza ubwo yirukanywe mu nzu yari acumbitsemo.

Ati “ Tubayeho nabi cyane bamwe twarirukanywe mu nzu kubera ko tutishyura neza mbese ubuzima buragoye cyane kuko kuva Covid yagera mu Rwanda ntiturongera gukora.”

Yongeyeho ko hagakwiye gushyirwaho uburyo burambye bwo gufasha abantu babuze imirimo kubera iki cyorezo cya Covid 19, cyane cyane abo ubuzima bwabo bwari bushingiye ku tubari tutagikora.

Uwase Aliah wamansuriraga mu kabari gaherereye i Nyamirambo, yavuze ko hari abakobwa n’abagore bahoze bamansura ubu bagiye mu buraya kuko ubuzima bwabaye bubi.

Yagize ati “ Ubu wabona umugabo ukamwanga kandi uzi neza ko nta kazi ufite? None se nabihakana hari benshi basambana kugira ngo babone ayo kurya kuko ubuzima buri aha hanze ntibworoshye.”

Abenshi muri aba bamansuzi bakoreraga amafaranga menshi mu mpera z’icyumweru cyane cyane mu tubari twakoraga amasaha 24/24.

Nubwo ibikorwa by’ubucuruzi n’ibindi by’iterambere bigenda bifungurwa gahoro gahoro, ibikorwa bihuriza hamwe abantu benshi nk’utubari, ibitaramo n’ibindi biracyafunze mu rwego rwo kwirinda Covid-19.

Abari batunzwe no kumansura baravuga ko babayeho nabi nyuma y'umwaka badakora

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .