00:00:00 IGIHE NETWORK KN KINYARWANDA EN ENGLISH FR FRANCAIS

Umuryango Ibuka ntiwanyuzwe n’igihano cyahawe Ingabire

Yanditswe na

Rene Anthere Rwanyange

Kuya 31 October 2012 saa 04:02
Yasuwe :

Nyuma y’uko Urukiko Rukuru rw’u Rwanda ruhanishije Ingabire Victoire Umuhoza igifungo cy’imyaka 8 n’ihazabu ya Miliyoni imwe y’amafaranga y’u Rwanda ahamwe n’ibyaha 2 mu byo yari akurikiranweho, Umuryango Ibuka uharanira inyungu z’Abarokotse Jenoside yakorewe Abatutsi mu Rwanda mu 1994, uratangaza ko icyo gihano ari gito ugereranyije n’ibyaha bihama Ingabire.
Umunyamabanga Nshingwabikorwa wa Ibuka, Ahishakiye Naphtal, mu kiganiro yagiranye na IGIHE, yatangaje ko ku birebana n’icyo umuryango (...)

Nyuma y’uko Urukiko Rukuru rw’u Rwanda ruhanishije Ingabire Victoire Umuhoza igifungo cy’imyaka 8 n’ihazabu ya Miliyoni imwe y’amafaranga y’u Rwanda ahamwe n’ibyaha 2 mu byo yari akurikiranweho, Umuryango Ibuka uharanira inyungu z’Abarokotse Jenoside yakorewe Abatutsi mu Rwanda mu 1994, uratangaza ko icyo gihano ari gito ugereranyije n’ibyaha bihama Ingabire.

Umunyamabanga Nshingwabikorwa wa Ibuka, Ahishakiye Naphtal, mu kiganiro yagiranye na IGIHE, yatangaje ko ku birebana n’icyo umuryango ahagarariye uvuga ku mikirize y’urwo rubanza, ko ibyaha yahamijwe yari abikurikiranweho, bifitiwe ibimenyetso kandi ari ibyaha bikomeye. Yakomeje agira ati “Ntituvuguruza icyemezo cy’ubutabera ariko urebye igihano bamuhaye ntikijyanye n’ibyaha yaregwaga, yahawe igihe gito.”

Ku birebana n’uko Ingabire yasabye imbabazi Perezida wa Repubulika, akaba imwe mu mpamvu Ubutabera bwashingiyeho bworoshya igihano bwahaye Ingabire, Ahishakiye yatangaje ko kuba Ingabire yarasabye imbabazi ku makosa yakoze na byo ari intambwe, kuko Perezida wa Repubulika yatowe n’Abanyarwanda kandi akaba abahagarariye bose.

Ahishakiye asaba abarokotse Jenoside yakorewe Abatutsi mu Rwanda mu 1994 kimwe n’Abanyarwanda bose kurwanya abantu bose bashaka kubiba amacakubiri mu banyarwanda, ahubwo bagafatanyiriza hamwe guharanira icyateza imbere igihugu.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .