00:00:00 IGIHE NETWORK KN KINYARWANDA EN ENGLISH FR FRANCAIS

Zigama CSS yihaye intego yo kwinjiza miliyari 85 Frw mu 2023

Yanditswe na IGIHE
Kuya 26 Ugushyingo 2022 saa 12:04
Yasuwe :

Zigama CSS yihaye intego ko mu 2023 urwunguko rusange ruzaba ari miliyari 85 Frw avuye kuri miliyari 69 Frw yinjiye muri uyu mwaka, hanyuma wakuramo imisoro n’ibindi ikazaba ifite inyungu ya miliyari 25,9 Frw avuye kuri miliyari 20 Frw.

Ni kimwe mu byaganiriweho mu Nteko Rusange ya 37 ya Zigama CSS yateraniye ku Cyicaro gikuru cy’Ingabo z’u Rwanda ku Kimihurura. Yigaga kuri gahunda y’ibikorwa by’umwaka wa 2023.

Iyi nama yayobowe na Minisitiri w’Ingabo, Gen Maj Albert Murasira initabirwa n’Umugaba Mukuru w’Ingabo z’u Rwanda, Gen Jean Bosco Kazura hamwe n’abagaba b’ingabo batandukamye.

Itangazo rigenewe abanyamakuru ryashyizwe hanze nyuma y’iyi nama, rivuga ko muri iki gihe Zigama CSS iri gusoza gahunda yayo y’imyaka itanu aho bigaragara ko yageze ku ntego yari yariyemeje.

Umuyobozi w’Inama y’Ubutegetsi ya Zigama CSS, Dr James Ndahiro, yatangaje ko mu myaka itanu ishize, serivisi nyinshi zatanzwe hifashishijwe ikoranabuhanga.

Ati “ Ndatekereza ko ari intambwe ishimishije ko abanyamuryango bacu babasha gukoresha ikoranabuhanga kandi bikajyana n’uko serivisi zacu zabegerejwe muri ubwo buryo mu nzego zose.”

Zigama CSS ni koperative ihuriweho n’inzego z’umutekano zirimo Igisirikare cy’u Rwanda, Polisi y’Igihugu, Urwego rw’Igihugu rushinzwe Amagereza, Urwego rw’Igihugu rushinzwe Ubugenzacyaha n’Urwego rushinzwe iperereza n’Umutekano.

Umuyobozi wa Polisi wungirije ushinzwe ibikorwa, Felix Namuhoranye (ubanza iburyo) yari yitabiriye iyi nama
Umugaba Mukuru w’Ingabo z’u Rwanda, Gen Jean Bosco Kazura ari kumwe n’Umuyobozi wa Polisi y’u Rwanda, Dan Munyuza ndetse na CG Marizamunda Juvénal uyobora RCS
Abari bitabiriye iyi nama batanze ibitekerezo biganisha ku iterambere rya Zigama CSS

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .