00:00:00 IGIHE NETWORK KN KINYARWANDA EN ENGLISH FR FRANCAIS

Yahanishijwe gutanga miliyoni 2 Frw ku bwo guhindura igazeti ya Leta

Yanditswe na Ntabareshya Jean de Dieu
Kuya 20 Mutarama 2023 saa 07:07
Yasuwe :

Urukiko rwisumbuye rwa Gasabo rwahanishije Muhawenimana Elias Xavier wo mu mu murenge wa Kacyiru ihazabu ya miliyoni 2 Frw nyuma yo guhamwa n’icyaha cyo guhimba no guhindura inyandiko cyangwa gukoresha inyandiko mpimbano.

Mu maburanisha yabanje ubushinjacyaha buvuga ko Muhawenimana ari umukozi w’irembo wahawe ikiraka na Nsengiyumva Ngoga Ernest cyo kumufasha serivise yo guhindura izina aho yari afite mubyara we witwa Uwiringiyimana Sarah washakaga kwitwa Kalisa Sarah amwishyura amafaranga 70.000 Frw.

Nyuma yo kubimwemerera yamubwiye ko azamumenyesha igazeti yasohotse.

Ibi byatumye Muhawenimana ajye ku rubuga rwa Minisiteri y’Ubutabera ahasohokera amagazeti, afata irya 43 ryo mu Ugushyingo 2022 ararimanura (download) ahindurira izina ry’uwamuhaye akazi yemeza ko yiswe izina rya Kalisa Sarah ku rupapuro rwa 26.

Icyo gihe ngo amaze kubihindura yahise yoherereza uwamuhaye akazi ifoto (screen shoot) ngo amumenyeshe ko akazi ke yakarangije kandi neza.

Ubushinjacyaha bwasabiye Muhawenimana igihano cy’igifungo cy’imyaka irindwi n’ihazabu ya 3.000.000 Frw.

Muhawenimana yaburanye yemera icyaha asaba imbabazi ko yasubikirwa ibihano akajya kwivuza ngo kuko afite rendez- vous ya muganga.

Mu gusoma umwanzuro kuri uru rubanza, ku wa 12 Mutaram 2023 Urukiko Rwisumbuye rwa Gasabo rwemeje ko Muhawenimana Elias Xavier ahamwa n’icyaha cyo guhimba, guhindura inyandiko cyangwa gukoresha inyandiko mpimbano rumuhanisha igihano cy’ihazabu y‘amafaranga miliyoni ebyiri (2.000.000 Frw).

Kimwe mu byatumye urukiko rumuhanisha iki gihano ni uko rwasanze yaraburanye yemera icyaha, akaba ari ubwa mbere akurikiranywe n’inkiko ndetse asaba n’imbabazi.

Urukiko rwisumbuye rwakatiye umugabo ukurikiranyweho guhindura igazeti ya Leta

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .