00:00:00 IGIHE NETWORK KN KINYARWANDA EN ENGLISH FR FRANCAIS

Uwineza ari gushakisha umwana we bagenzi be bateye ubwoba agatoroka (Video)

Yanditswe na Uwiduhaye Theos
Kuya 26 Ukuboza 2020 saa 09:48
Yasuwe :
0 0

Ababyeyi b’umwana w’umuhungu w’imyaka irindwi wo mu karere ka Kicukiro bamaze ukwezi baramubuze nyuma y’aho bagenzi be bamuteye ubwoba ko ababyeyi be baramwica agatoroka.

Uyu mwana witwa Iranzi Olivier ni mwene Bizimana Olivier na Uwineza Emelinne, yabuze ku wa 20 Ugushyingo 2020.

Uwineza avuga ko yagiye nyuma yo guterwa ubwoba na bagenzi be ubwo yari amaze guta agatenesi bifashishaga bakina.

Ati “Twari turi mu rugo ari gukina agatenesi n’abandi bana. Kajya munsi y’umukingo agenda agiye kukazana. Agiye kukazana yicara mu byondo ndamubaza nti ko wicara hasi urifurira. Yaragiye abura agatenesi kandi kari ak’undi mwana.”

Yakomeje agira ati “Abana bamuteye ubwoba bamubwira ko ndamwica arigendera. Ikintu cyaba cyaramuteye ubwoba ni ako gatenesi. Naramutegereje ndamubura.”

Akomeza avuga ko uwo mwana ngo hari umuntu wamubonye Nyanza ya Kicukiro, akamanuka ajya i Murambi. Baramushakishije baramubura ahantu hatandukanye.

Uwo mwana ngo yagiye yambaye agashati k’igitenge n’ikabutura. Yabuze mu masaha ya saa sita z’amanywa. Uwo mwana ng0 azi amazina y’ababyeyi be ndetse n’aya murumuna we witwa Ganza D’Amour.

Umuryango wa Bizimana utuye mu mudugudu Bigo, akagari ka Nyarurama mu murenge wa Gatenga mu karere ka Kicukiro.

Uwineza afite intimba nyuma yo kubura umwana we w'umuhungu, agasaba uwamubona kwihutira kumenyesha umuryango
Uwo mwana wambaye ipantalo y'igitenge niwe waburiwe irengero

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .