USA: Abarenga ibihumbi 77 banduye Coronavirus mu munsi umwe, biba ubwa mbere mu gihugu kimwe

Yanditswe na Iradukunda Serge
Kuya 18 Nyakanga 2020 saa 10:08
Yasuwe :
0 0

Mu gihe cy’amasha 24 muri Leta Zunze Ubumwe za Amerika abantu bagera kuri 77 638 banduye Covid-19, biba ubwa mbere ku Isi mu munsi umwe handuye umubare w’abantu bangana gutya mu gihugu kimwe.

Aba barwayi bose babonetse ku wa 18 Nyakanga ndetse kuri uyu munsi abagera kuri 927 bapfa bazize iki cyorezo.

Hashize iminsi itatu yikurikiranya buri munsi muri Amerika handura abantu batari munsi y’ibihumbi 77.

Uku kwiyongera kw’abanduye kwiganje muri Leta zo mu Majyepfo no mu burengerazuba ziganjemo izoroheje ingamba zo kwirinda Covid-19 zigakuraho gahunda ya guma mu rugo hakiri kare.

Ibi byatumye Leta ya California iri muzibasiwe cyane itangaza ko amashuri atazafungurwa ko ahubwo abanyeshuri bazakomeza kwiga bakoresheje iya kure.

Muri Leta za Texas na Arizona ho uburuhukiro bwatangiye kuzura, ibintu byatumye ubuyobozi butangira kwifashisha imodoka zikonjesha mu kubika imirambo.

Kugeza ubu muri Leta Zunze Ubumwe za Amerika habarurwa abantu barenga miliyoni 3 bamaze kwandura Covid-19 mu gihe abo imaze guhitana barenga ibihumbi 139.

Muri Leta Zunze Ubumwe za Amerika umubare w'abandura covid-19 ukomeje kwiyongera umunsi ku munsi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .