Urukiko rwemeje ko Urayeneza uhagarariye ibitaro bya Gitwe n’abo bareganwa bakurikiranwa bafunzwe

Yanditswe na IGIHE
Kuya 15 Nyakanga 2020 saa 07:42
Yasuwe :
0 0

Urukiko rwisumbuye rwa Muhanga rwategetse ko Urayeneza Gérard n’abo bareganwa bafungwa iminsi 30 y’agateganyo, runasaba ko n’abandi bantu babiri baherutse kurekurwa n’Urukiko rw’ibanze rwa Ruhango bakurikiranwa bafunzwe.

Ni umwanzuro w’urukiko mu bujurire watanzwe n’abaregwa, bavuga ko batishimiye icyemezo cy’urukiko rwa mbere ko bakurikiranwa bafunzwe by’agateganyo.

Urayeneza uhagarariye ibitaro bya Gitwe mu buryo bw’amategeko, yatawe muri yombi ku wa 14 Kamena 2020, we hamwe na bagenzi be bakurikiranyweho ibyaha bijyanye n’ingengabitekerezo ya Jenoside birimo icyaha cyo kuzimiza cyangwa gutesha agaciro ibimenyetso cyangwa amakuru byerekeye Jenoside.

Ni ibyaha bifitanye isano no kuba hari imibiri y’abazize Jenoside yakorewe Abatutsi yagaragaye mu bitaro ahagarariye, bikaza gukekwa ko yahishiriye amakuru ntavuge ko ihari kandi abizi.

Abaregwa bose bahakana ibyaha bashinjwa.

Urayeneza yasabaga kurekurwa atanze ingwate kubera ko afite uburwayi afite bw’umuvuduko w’amaraso, Ubushinjacyaha buvuga ko nta ngwate yatanga inganya agaciro n’ubuzima bw’abantu biciwe i Gitwe. Bwanavuze ko arekuwe yabangamira iperereza.

Urukiko rwemeje ko Urayeneza akomeza gufungwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .