Ubaye udaheruka i Ruhande, kuri ubu hasigaye ari muri Kaminuza y’u Rwanda ishami rya Huye, cyangwa ukaba uhaheruka no mu mezi make ashize, uhasubiye kuri ubu ushobora gutungurwa cyangwa ugatinda kwemera ko ari ho bitewe n’uburyo harimbishijwe impande zose.

Kaminuza y’u Rwanda, ishami rya Huye, imaze imyaka irenga itatu ivugururwa cyane cyane mu nyubako zayo zari zishaje zinafite isakaro rya ‘asbestos’.

Ni amavugurura yahereye mu guhindura isakaro kuko inzu zayo nyinshi zari zisakawe n’amabati yitwa ‘Asbestos’, azwiho kugira ingaruka ku buzima bw’abantu.

Muri Gicurasi 2024, Umuyobozi Mukuru wungirije ushinzwe Imari n’Imiyoborere muri UR, Kayitare Tengera Francoise, yabwiye Abadepite ko muri UR Huye, hari gahunda yo gusakambura ubuso buriho ’asbestos’ bungana na metero kare ibihumbi 110.

Gahunda yo gusakambura iri sakaro, yaihise iherekezwa no kuvugurura inzu zari zisakajwe ayo mabati mu rwego rwo kunoza isuku, ibyagize uruhare mu kurimbisha Kaminuza y’u Rwanda ishami rya Huye.

Ibi byagiye binaherekezwa no gutunganya uduhanda tw’imigenderano muri iyo kaminuza, gusana imihanda ya kaburimbo irimo, gusana amatara, gusana sitade ya kaminuza, ibibuga n’ibindi, maze bigira uruhare mu gihindura isura Kaminuza muri rusange.

Muri iyi nkuru, IGIHE igiye kugutambagiza mu bice byinshi bya Kaminuza i Huye, maze wirebere mu mafoto uko hasigaye hasa nyuma yo kuhavugurura.

Indi nkuru wasoma:
https://mobile.igihe.com/amakuru/u-rwanda/article/ur-huye-imaze-gukurwaho-asbestos-irenga-64

Inyubako ya UR Huye, ifatwa nk'ikirango cya Kaminuza y'u Rwanda yatewe amarange mashya ndetse iranarimbishwa.

Ahazwi nko muri Batiment Central isigaye isa nyuma yo kuvugururwa. Aha hagarara inzu y'amateka n'ahitwa muri Audi Revesque.

Iyo uhagaze imbere ya Auditorium, ureba haruguru ku nzu z'ibiro na Batiment Central.

Hashyizweho ibyapa bishya biyobora abantu ahatandukanye.

Ubusitani bwaratunganyijwe neza. Aha ni aho umuntu asohokera avuye muri Campus hafi n'amacumbi y'abanyeshuri yitwa Benghazi.

Ubusitani bwitabwaho bumeze neza, ni bwo usanga ahatandukanye muri iyi kaminuza.

Aha ni mu rubavu rwa Gymnase na yo yavuguruwe ikaba yarabaye nshya.

Sitade ya UR Huye yaravuguruwe, ikaba ari na yo yabereyeho ibirori byo gutanga impamyabumenyi muri uyu mwaka.

Igice cy'imbere muri stade cyashyizwemo tapis amu myanya y'ahatwikiriye.

Ntiwavuga UR-Huye ngo wibagirwe ishyamba ry'Arboretum riyifubitse.

Bariyeri ikwinjiza muri Kaminuza isigaye ikoresha ikoranabuhanga.

Aha ni ku macumbi y'abanyeshuri yitwa Tutasnic.

Iyi kaminuza kandi yitaye ku ikoranabunga aho abanyeshuri bicara bakabasha kubona ibiri online.

Mu masangano y'umuhnda iyo uzamuka ku biro n'ukomeza kuri Grand Auditorium.

Ahazwi nko ku Kigega cyangwa kuri Flotte, ubu hashyizweho icyapa cya Kaminuza cyaka nijoro.

Mu masaha y'amanywa ni uko haba hameze.

Ku nzira ijya ku rwibutso rwa Jenoside yakorewe Abatutsi rwa UR Huye.

Ku nzira ijya ku macumbi amwe azwi nka Vietnam na Misereor, ndetse no kuri resitora ya VIP.

Ku marembo y'ahitwa kuri' Cantine'.

Ku macumbi y'abanyeshuri yitwa Nyarutarama nyuma yo kuvugururwa, ubu habereye ijisho.

Ku macumbi ya Cambodge ni uko hasigaye hagaragara.

Ku macumbi y'abakobwa yitwa Vietnam, na ho harawe na benshi mu bize muri iyi kaminuza.

Ku biro by'ishyirahamwe ry'abanyeshuri. Mbere hitwaga kuri AGEUNR, nyuma gato hitwa kuri NURSU, ubu ni kuri URSU.

Ku bibuga by'imikino y'intoki hari n'amatara abafasha gukina no mu masaha y'ijoro.

Isuku hose muri Campus ya Huye yagizwe intego.

Inyubako ya ICT Centre n'isomero rya UR ririnini, na yo yaravuguruwe.

Inyubako y'ikoranabunga yubatswe n'ikigo cya KOICA.

Hari ubusitani buteyemo ibiti bizana umwuka mwiza muri iyo kaminuza

Hanashyizweho inzira zifasha abafite ubumuga baza kuri Sitade ya UR-Huye.

Ahahoze salon itunganya imisatsi, kuri ubu ntigikora.

Muri Arbortum abanyeshuri bajya baharuhukira cyangwa abashaka kwiga batuje na bo bakahigira.

Auditorium uyirebye uhagaze haruguru ku isomero. Abayibuka mu minsi ishize yo n'izindi ,inyuma hari amatafari.

Menshi mu mazu y'ahazwi nko kuri Ex-Rectorat na yo yaravuguruwe.

Ahitwaga kuri EJC cyangwa kuri DSTV na ho haravuguruwe.

Batiment yabaye nshya ibereye ijisho.

Amashuri yo kuri Ex-rectorat, yaravuguruwe hashyirwaho n'inzira z'abafite ubumuga.

Abibuka mu myaka ya mbere ya za 2012 ahamanikwaga intonde z'amafaranga azwi nka buruse.

Kuri cantine na ho haravuguruwe, habereye ijisho.