00:00:00 IGIHE NETWORK KN KINYARWANDA EN ENGLISH FR FRANCAIS

Umwana w’imyaka 14 wo mu Ruhango mu bantu 13 bishwe na Covid-19

Yanditswe na IGIHE
Kuya 3 Kanama 2021 saa 11:42
Yasuwe :
0 0

Minisiteri y’Ubuzima yatangaje ko abantu 13 barimo umwana w’imyaka 14 wo mu Karere ka Ruhango, bahitanywe na Covid-19 naho abanduye bo biyongeraho 775.

Itangazo rya Minisiteri y’Ubuzima rigira riti “Twihanganishije imiryango y’abagore icyenda n’abagabo bane bitabye Imana.”

Abantu 775 nibo banduye Covid-19 kuri uyu wa Kabiri mu bipimo birenga ibihumbi 10 byafashwe bituma umubare w’abamaze kwandura iki cyorezo mu gihugu ugera ku 72.841.

Abanduye biganje mu turere tw’Umujyi wa Kigali, Nyaruguru, Rusizi, Huye, Muhanga, Nyamagabe na Kamonyi mu gihe utwo mu Burasirazuba natwo tuza mu dufite imibare myinshi y’ubwandu.

Ku rundi ruhande, 13 barimo umwana w’imyaka 14 wo mu Karere ka Ruhango nibo bahitanywe n’iki cyorezo bituma abamaze kwicwa nacyo bagera kuri 844 mu gihe abarembye bo ubu ari 53.

Abantu 9818 nibo bakingiwe, bahabwa dose ya mbere y’urukingo mu gihe abamaze gukingirwa byuzuye bo ari 476.140.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .