Umutara Polythechnic haravugwamo ruswa ishingiye ku gitsina mu itangwa ry’amanota

Yanditswe na

Ange de la Victoire Dusabemungu

Kuya 20 Kanama 2013 saa 11:24
Yasuwe :
0 0

Urwego rw’umuvunyi rwatangije iperereza ku barimu bo muri Kaminuza y’Umutara Polythechnic bakekwaho kwaka ruswa ishingiye ku gitsina yakwa abanyeshuli b’abakobwa kugira ngo babahe amanota.
Iki kibazo cyatangiye gukurikiranwa nyuma y’uko hari bamwe mu banyeshuli bagejeje kuri urwo rwego ikibazo cy’abarimu babasaba ruswa y’igitsina ku ngurane y’amanota nk’uko bitangazwa na Rwanda Today.
Amakuru avuga ko umunyeshuli utanze ruswa y’igitsina ahabwa amanota menshi mu gihe mugenzi we utayitanze ahabwa (...)

Urwego rw’umuvunyi rwatangije iperereza ku barimu bo muri Kaminuza y’Umutara Polythechnic bakekwaho kwaka ruswa ishingiye ku gitsina yakwa abanyeshuli b’abakobwa kugira ngo babahe amanota.

Iki kibazo cyatangiye gukurikiranwa nyuma y’uko hari bamwe mu banyeshuli bagejeje kuri urwo rwego ikibazo cy’abarimu babasaba ruswa y’igitsina ku ngurane y’amanota nk’uko bitangazwa na Rwanda Today.

Amakuru avuga ko umunyeshuli utanze ruswa y’igitsina ahabwa amanota menshi mu gihe mugenzi we utayitanze ahabwa amanota make ugereranyije n’uwayitanze muri iyo kaminuza.

Mu kiganiro na IGIHE, umuvugizi w’urwego rw’umuvunyi, Jean Pierre Nkurunziza, utadutangarije byinshi kuko yari mu nama, yemeje ko ubu hari gukorwa iperereza kugira ngo hamenyekane ukuri nyako kw’ibivugwa muri Kaminuza y’Umutara polythechnic.

Hagati aho umuyobozi w’iyo Kaminuza, Dr. James Gashumba nawe yemereye ikinyamakuru Rwanda Today ko iryo perereza riri gukorwa n’abakozi b’Urwego rw’Umuvunyi kandi ko bakiriwe neza.

Yagize ati ”Urwego rw’umuvunyi rwaradutunguye kubera ko tutigeze tumenya iby’iki kibazo. Biragaragara ko hari abanyeshuli bagiye kubibwira Umuvunyi mbere yo kutuzanira iki kibazo.”

Yavuze ko iyo Kaminuza yakiriye neza iryo perereza ariko avuga ko abanyeshuli b’ababakobwa bazabura ibimenyetso by’ibirego byabo bazahanwa nk’abaharabitse isura ya Kaminuza.

Mu cyumweru gishize, Gashumba yari yabwiye itangazamakuru ko atahakana ibyo ayo makuru cyangwa ngo abyemeze, icy’ibanze ni ugutegereza ikizava mu iperereza.

Mu gushaka kumenya icyo ubuyobozi bushinzwe amasoma buvuga kuri iki kibazo, twagerageje kuvugana n’umuyobozi wungirije ushinzwe amasomo, Dr. Ndabaga Eugene aduhakanira ko ayo makuru y’iperereza ryacyo ntanayo yigeze amenya.

Mu magambo ye ati ”Ibyo ntabyo nzi ntacyo mfite cyo kubivugaho…ubwo mwakomeza mukabaza umuyobozi wa Kaminuza [Yaramaze kubwirwa ko umuyobozi wa Kaminuza yabyemereye itangazamakuru ko hari iperereza ryatangiye kuri icyo kibazo].”

Iyi nkuru tuzakomeza kuyibakurikiranira hamenyekane niba ruswa ishingiye ku gitsina koko ihari cyangwa ari abafite umugambi wo gusebya kaminuza.

Umutara Polythechnic

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .