Umunyarwanda yafatiwe muri Amerika ashinjwa kubeshya ku ruhare rwe muri Jenoside agahabwa ubwenegihugu

Yanditswe na IGIHE
Kuya 8 Gashyantare 2020 saa 09:37
Yasuwe :
0 0

Umunyarwanda Idrissa Gasana w’imyaka 53, yatawe muri yombi muri Leta Zunze Ubumwe za Amerika nyuma y’iperereza ryakozwe n’Urwego rushinzwe abinjira n’abasohoka, rugasanga ubwo yasabaga ubwenegihugu yarabeshye ku ruhare rwe muri Jenoside yakorewe Abatutsi mu 1994.

Nk’uko Minisiteri y’Ubutabera ya Leta Zunze Ubumwe za Amerika yabitangaje, uyu mugabo wo mu Mujyi wa Manchester, mu kirego cye bigaragara ko yatanze amakuru y’ibinyoma mu nyandiko iriho ibibazo bigenewe Abanyarwanda bashaka visa y’icyo gihugu, Questionnaire for Rwandan Visa Applicants.

Ni inyandiko iba igamije kugaragaza niba abashaka ubuhungiro muri Leta Zunze Ubumwe za Amerika bataragize uruhare muri Jenoside mu 1994.

Yakomeje iti “Inyandiko y’ikirego cye igaragaza ko ubwo yahabwaga ubwenegihugu nk’umuturage wa Leta Zunze Ubumwe za Amerika, Gasana atari abikwiye kuko yagize uruhare muri Jenoside yabaye mu Rwanda.”

Uyu mugabo yatawe muri yombi ku wa 6 Gashyantare 2020 ndetse ubu ari muri kasho, ategereje kugezwa imbere y’urukiko aburana ku ifungwa n’ifungurwa ry’agateganyo, ku wa 11 Gashyantare 2020.

Mu 2013 nabwo Umunyarwandakazi Munyenyezi Béatrice wo muri Leta ya New Hampshire, yahamijwe icyaha ndetse akatirwa gufungwa imyaka 10, azira kubeshya inzego z’abinjira n’abasohoka ku ruhare rwe muri Jenoside yakorewe Abatutsi, ubwo yasabagayo ubuhungiro.

Yaje kujuririra icyo gihano mu 2017 ariko ubujurire bwe buteshwa agaciro.

Umunyarwanda yafatiwe muri Amerika ashinjwa kubeshya ku ruhare muri Jenoside

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza