Umuntu wa 21 mu Rwanda yishwe na COVID-19

Yanditswe na Rabbi Malo Umucunguzi
Kuya 9 Nzeri 2020 saa 08:58
Yasuwe :
0 0

Minisiteri y’Ubuzima yatangaje ko umubyeyi w’imyaka 71 wari urwariye mu Mujyi wa Kigali yabaye umuntu wa 21 wishwe na COVID-19 mu Rwanda, mu gihe abandi bantu 21 basanzwemo ubu burwayi mu bipimo 3805 byafashwe mu masaha 24 ashize.

Mu barwayi bashya babonetse harimo 17 b’i Kigali bapimwe mu bibasiwe kurusha abandi, batatu bo mu Karere ka Kirehe n’umwe w’i Rusizi.

Imibare yatangajwe kuri uyu wa Gatatu yatumye umubare w’abamaze kwandura Coronavirus mu Rwanda uba 4460, mu gihe abakize biyongereyeho 18, baba 2325. Bivuze ko abakirwaye ari abantu 2114.

Kugeza kuri uyu wa 9 Nzeri hamaze gufatwa ibipimo 451408.

Minisiteri y’Ubuzima ikomeje gushishikariza abantu kurushaho gufata ingamba zo kwirinda, mu gihe hari icyizere ko mu gihe cya vuba hashobora kuboneka urukingo rwa COVID-19, nubwo ku bijyanye n’umuti, ubushakashatsi bushobora kuba bukiri inyuma.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .