Umugore wa Trump arambiwe gukomeza kuba muri White House

Yanditswe na Umwali Zhuri
Kuya 10 Ukuboza 2020 saa 08:12
Yasuwe :
0 0

Abantu ba hafi b’umugore wa Perezida Trump, batangaje ko amaze kurambirwa kuba muri White House ko ashaka gusubira mu buzima busanzwe, gusa umugabo we akomeje guhangana ashaka uko yazongera kwisubiza ibiro muri iyi nzu iri mu zubashywe ku Isi.

Mu kwezi gushize Trump yitabiriye amatora y’Umukuru w’Igihugu, aza no kuyatsindwa ahigitswe na Joe Biden bari bahanganye.

Bivugwa ko nyuma y’aho Trump byari bimaze kugaragara ko yatsinzwe, umugore we ngo yashatse abantu mu ibanga, abashinga kumukorera ingengo y’imari n’abakozi ashobora kuzakenera nyuma y’ubuzima bwo muri White House.

Ubu ngo bisa n’aho Melania yatangiye kuzinga utwangushye ku buryo yiteguye gusubira mu rugo rwabo ruri i Mar-a-Lago kuri Palm Beach muri Leta ya Florida.

Umwe mu bantu bazi neza Melania yabwiye CNN ati “Arashaka kujya mu rugo”. Yari abajijwe uko Melania yiyumva iyo yumvise amakuru y’uko umugabo we ashaka kuzongera kwiyamamaza mu 2024. Uwo muntu yakomeje avuga ati “Ibyo bishobora kutamugwa neza”.

Nta kintu umugore wa Perezida agenerwa iyo umugabo we atakiri ku buyobozi, usibye ibihumbi 20 by’amadolari ahabwa ku mwaka kandi nabwo ayo mafaranga atangwa iyo umugabo we apfuye.

Melania yamaze kurambirwa ubuzima bwo muri White, bivugwa ko ashaka gusubira mu buzima busanzwe
Hari amakuru yakwirakwiriye mu minsi ishize ko Melania ashobora gutandukana na Trump
Muri Leta ya Florida niho Trump atuye
Ni urugo ruri ku nkengero z'amazi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .