Uko urubuto rwa ‘Green Plum’ rwifashishwa mu guhangana n’ibibazo by’ubuzima bw’imyororokere n’umubyibuho ukabije

Yanditswe na Mukahirwa Diane
Kuya 1 Ukuboza 2020 saa 09:45
Yasuwe :
0 0

Abahanga babivuze neza ko ubuzima ari wo mutungo wa mbere ukomeye umuntu agira, ku buryo akora uko ashoboye kose akabubungabunga. Nyamara si akazi koroshye, kuko gasaba buri wese kumenya ibikwiriye umubiri we, kuko iyo atabyitayeho ubuzima bwe bujya mu kaga.

Ni nako abahanga bakomeje gushakisha ibishoboka byose mu kwita ku buzima. House of Wellbeing ni kimwe mu bigo bifasha abantu kugira ubuzima buzira umuze, hifashishijwe urubuto rw’umwimerere, ikinyomoro cy’icyatsi kizwi nka Green Plum.

Ni urubuto rufite ubushobozi bwo gufasha umuntu kwigobotora ikibazo cy’umubyibuho ukabije, nka kimwe mu bibazo bihangayikishije imbaga kandi kucyigobotora bikagorana cyane.

Byonyine, mu igenzura rito ryakozwe n’Ikigo cy’Igihugu cy’Ubuzima, RBC, mu mwaka wa 2016, mu bantu 2600 bapimwe mu Mujyi wa Kigali, iki kigo cyasanze 35% bafite ibiro bikabije, 12% bafite umuvuduko ukabije w’amaraso, naho umwe ku ijana ari we ufite isukari nyinshi mu maraso.

Si ikibazo cy’u Rwanda gusa kuko muri uwo mwaka, abantu barenga miliyari 1.9 bakuru, ni ukuvuga abarengeje imyaka 18, bari bafite ibilo byinshi cyane, bakabamo miliyoni 650 bafite ikibazo cy’umubyibuho ukabije. Byongeye, abantu bagera kuri miliyoni enye bapfa buri mwaka kubera ingaruka z’uwo mubyibuho, kuko ari isoko y’indwara nyinshi zitandura zirimo diabete n’indwara z’umutima.

House of Wellbeing ifasha mu guhangana n’ibi kibazo, kandi bigakorwa mu gihe gito, bidasabye umuntu kureka kurya ibyo yakundaga.

Ushinzwe ubujyanama bw’imirire muri icyo kigo, Umuhire Marcelline, yavuze ko uru rubuto rufasha umuntu gusukura umubiri ndetse akagabanukaho ibilo mu gihe gito cyane.

Ati “Uru rubuto umuntu arurya nimugoroba amaze kurya, akanywa amazi ashyushye, hanyuma rukajya gusukura umubiri rugakuramo imyanda yose n’ibinure bitari ngombwa. Iyo urukoresheje neza rubasha kukugabanyiriza ibilo bitanu mu gihe cy’iminsi 10 gusa.”

Bamwe mu bakoresheje uru rubuto bavuga ko rwabafashije cyane, bashingiye ku mpinduka rwagize ku mubiri wabo.

Kalisa André yavuze ko yari afite ibilo 115, biza kugabanyuka cyane akoresheje uru rubuto rwa Green Plum. Buri joro ngo yafataga utubuto tubiri, nyuma y’iminsi icumi gusa ibilo bye biragabanyuka.

Ati “Ahantu utu tubuto tubera igitangaza ni uko ndi kudukoresha nari mfite imbaraga nta kibazo nigeze ngira mu buzima, kandi n’ubu sindiyongeraho ibilo kandi nakomeje kunywa divayi, nta bindi bilo ndiyongeraho.”

Ni ubuhamya ahurizaho Mutoni Laya, uvuga ko atari yishimiye ingano ye, akeneye kugabanya ibilo nubwo yari ataramenya uburyo yakoresha. Yaje kubigeraho nyuma y’iminsi 10 kubera gukoresha izo mbuto.

Ati “Ubu nyuzwe n’uko ngana.”

Uretse kugabanya ibilo, Dr. Gold Kanjiga we avuga ko byamubereye intandaro y’ubuzima bwiza ko bamuvuye impatwe n’umubyibuho ukabije.”

Ati “Nari maranye igihe ikibazo cy’impatwe ariko aho nabamenyeye baramvuye kandi bamfashije no kugabanya ibilo, nari mfite ibiro 98 ariko nyuma y’ibyumweru bibiri bamfasha gukuraho bitanu, nkomeza kurukoresha ubu mfite 89. Baramfashije cyane rwose.”

Ni umuti ku buzima bw’imyororokere

Uretse ibyo, banafasha no mu bijyanye n’ubuzima bw’imyororokere.

Umuhire yakomeje ati “Hari nk’abadamu bagera mu gihe cyo gucura bakaba bagira ibibazo byinshi birimo nko gushyuha mu mubiri ndetse no kutagira ubushake bwo gukora imibonano mpuzabitsina, abo turabafasha bigakemuka.

“Dufasha kandi n’abagabo bagira ubushake buke n’ikibazo cyo kurangiza vuba, tubaha izi nyunganira mirire zacu ibi bibazo bigakemuka.

Uretse guhabwa umuti ugabanya ibinure ku mubiri, hanatangwa inyunganiramirire zishobora kunganira umubiri mu gihe wahuye n’ibyo bibazo cyangwa indwara zishamikiye ku mubyibuho ukabije zirimo indwara nk’umutima, diabète, imitsi, umunaniro ukabije, uruhu n’ibindi.

Ibikorwa bya House of Wellbeing bimaze kwaguka kuko ikorera i Gikondo kuri Merez ya mbere mu nyubako ikoreramo Banki ya Kigali, ndetse inyunganiramirire zayo zikaboneka muri Pharmacy Conseil i Nyarutarama na Pharmacy Continental ku Gisimenti.

Uru rubuto rufasha urukoresheje kugabanya ibiro
Uru rubuto rukomoka ku kinyomoro cy'icyatsi
Usangayo ubwoko butandukanye bw'imiti ifasha umuntu guhangana n'indwara zitandura
House of Wellbeing ikorera i Gikondo kuri Merez

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .