U Rwanda rwihanganishije Liban nyuma y’iturika ryahitanye abarenga 100

Yanditswe na IGIHE
Kuya 6 Kanama 2020 saa 08:18
Yasuwe :
0 0

Guverinoma y’u Rwanda yihanganishije iya Liban ndetse n’imiryango y’abarenga 100 baguye mu iturika ryabereye mu Murwa Mukuru w’iki gihugu i Beirut kuwa 4 Kanama 2020, runifuriza abakomeretse barenga ibihumbi bine gukira vuba.

Bivugwa ko iri turika rishobora kuba ryaratewe n’igisasu cyangwa se ibindi bikoresho biturika bya gisirikare, mu gihe abandi basobanura ko ryatewe n’iturika rya “nitrate d’ammonium” yifashishwa mu gukora ifumbire, yafashwe n’inkongi.

Minisitiri w’Intebe wa Liban, Hassan Diab, yatangaje ko aho hantu hafashwe n’inkongi hari harimo toni 2750 za nitrate d’ammonium ndetse ko zari zimaze imyaka itandatu zihabitse.

Papa Francis n’abandi bayobozi bakomeye ku Isi bari mu bihanganishije Abanya-Liban.

Guverineri wa Beirut, Marwan Aboud, yatangaje ko uku guturika kwasize abantu 300,000 badafite aho kuba. Yongeraho ko ibyangiritse bibarirwa agaciro kari hagati ya miliyari 3 na 5 z’amadolari ya Amerika.

Ikinyabutabire cya nitrate d’ammonium cyaturitse nyuma yuko inzu ibikwamo ibicuruzwa bitandukanye cyari gihunitsemo, ifashwe n’inkongi y’umuriro. Cyaturikanye imbaraga ku buryo cyumvikanye kugeza no mu gihugu cya Cyprus kiri mu ntera ya kilometero 240 uvuye aho.

Inkuru wasoma: Abantu 100 bamaze gupfa naho 4000 bakomerekeye mu iturika ryabereye i Beirut, harakekwa byinshi

Iturika ryo kuwa Kabiri ryahitanye abarenga 100 abandi barenga 4000 barakomereka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .