U Rwanda rumaze gukoresha miliyari 17 Frw mu kurwanya icyorezo cya Ebola

Yanditswe na Joy Monique Dukuze Umutesi
Kuya 18 Mutarama 2020 saa 04:13
Yasuwe :
0 0

Minisiteri y’Ubuzima yatangaje ko imaze gukoresha asaga miliyari 17 z’amafaranga y’u Rwanda mu gihe cy’amezi 18, mu kurwanya no gukumira icyorezo cya Ebola ku butaka bw’u Rwanda.

Aya mafaranga yakoreshejwe mu bikorwa birimo kubaka ibikorwa remezo ku mipaka y’u Rwanda ihana imbibi na Repubulika iharanira Demokarasi ya Congo birimo n’ikigo gishinzwe kwakira abarwaye Ebole (Ebola Treatment Center) cyubatswe mu Karere ka Rubavu.

Nk’uko RBA yabitangaje, ibi bikorwa birimo n’iby’isuku n’isukura, guhugura abaganga, gutanga inkingo za Ebola ku baturage, imyitozo yo guhangana n’icyorezo cya Ebola mu gihe yaba igaragaye ku butaka bw’u Rwanda, ubukangurambaga hirya no hino mu gihugu n’ibindi.

Mu kurwanya no gukumira iyi ndwara ya Ebola, abaturage basaga ibihumbi umunani bo mu turere twa Rubavu na Rusizi, bamaze gukingirwa. Intego ni uko hazatangwa inkingo ibihumbi magana abiri.

Kuva iyi ndwara ya Ebola yakongera kugaraga muri RDC, hagaragaye abaturage barenga 3000ku bihumbi bitatu byagaragaye ko bafite virusi ya Ebola, muri bo abasaga ibihumbi bibiri na magana abiri, bahitanywe nayo.

Ishami ry’Umuryango w’Abibumbye ryita ku Buzima, OMS, rivuga ko kugeza ku wa 7 Mutarama umubare w’abamaze gukekwaho Ebola wari 3.392, barimo 3.274 byemejwe ko bayanduye na 2.235 yahitanye.

U Rwanda rwubatse uburyo bukomeye bwo kurwanya Ebola

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza