00:00:00 IGIHE NETWORK KN KINYARWANDA EN ENGLISH FR FRANCAIS

U Rwanda rugiye gukingira Covid-19 abana batarengeje imyaka 11

Yanditswe na IGIHE
Kuya 16 September 2022 saa 05:15
Yasuwe :

Minisiteri y’Ubuzima yatangaje ko igiye gutangira gukingira Covid-19 abana bari hagati y’imyaka itanu na 11, mu rwego rwo kwirinda icyo cyorezo kimaze imyaka isaga ibiri kiyogoza Isi.

Umunyamabanga wa Leta ushinzwe ubuvuzi muri Minisiteri y’Ubuzima, Dr Mpunga Tharcisse, yavuze ko igikorwa cyo gutangira gukingira abo bana kizatangira tariki 3 Ukwakira 2022.

Dr Mpunga yabwiye RBA dukesha iyi nkuru ko mu gukingira hazifashishwa inkingo zihariye zagenewe abana.

Ati “Tuzabakingira dukoresheje inkingo zihariye, ni inkingo zakozwe zigenewe abana kuko na doze z’abana ntabwo zisa nk’izo dusanzwe dukoresha rero izo nkingo zageze mu gihugu cyacu.”

Yavuze ko nubwo abana batari mu byiciro byazahajwe cyane na Covid-19, bitavuze ko batayandura.

Ati “Ni ngombwa kubakingira kuko nubwo batarembye cyane ariko bararwaye kandi n’ubu baracyarwara. Hari abitabye Imana n’abagiye mu bitaro nubwo wenda imibare itanganye n’iy’abakuru. Kubakingira bifite akamaro.”

Ibi bikorwa bizabera ku mashuri, gusa mbere yo gukingira umwana hazabaho ibiganiro n’ababyeyi ndetse n’abarezi.

Kugeza ubu abanyarwanda 8.910.102 nibo bamaze guhabwa nibura urukingo rumwe rwa Covid-19 mu gihe 5.440.331 bahawe urukingo rushimangira.

Dr Mpunga yavuze ko ibikorwa byo gukingira bizatangirana n'igihembwe cya mbere cy'umwaka w'amashuri 2022/2023

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .